Junqueras: 'Ezkutatzen ez naizelako nago preso'
Oriol Junqueras ERCko hautagai eta presidenteak Estremerako kartzelatik eskainitako elkarrizketa batean esan duenez, "ezkutatzen ez naizelako nago preso; nire ekintzekin, erabakiekin, usteekin, sentimenduekin eta borondatearekin kontsekuente naiz".
RAC1 irrati kateari elkarrizketa laburra eskaini dio Generalitateko presidenteorde kargugabetuak, lau bat minutukoa, eta Carles Puigdemont Kataluniako presidenteari (Belgikara joatea erabaki zuen JxCateko hautagaia) zeharka eginiko kritika hori gorabehera, batasunaren eta akordioen alde egin du Junquerasek: "Etorkizuna ahalik eta batasun eta akordio gehienarekin eraikitzearen alde nago, beti denei eskua luzatuz".
Itxaropentsu agertu da abenduaren 21eko hauteskundeen emaitzez. Horren ustez, "ziur naiz gobernua osatzeko modua izango dugula. Seguru nago ni neu, Parlamentuak hala erabakitzen badu, presidente izan naitekeela", eta inbestidura saioan egoteko arazorik egongo ez dela ere erantsi du.
Bozkatzeko oztoporik ere ez du aurreikusten Junquerasek: "Egin beharreko izapide guztiak egin ditugu botoa eman ahal izateko. Bozkatzea eta irabaztea espero dut. Irabazteko eskubide guztia dugu".
Kartzelako egonaldiak bere jarreran izan duen eraginaz galdetuta, ERCko buruzagiak nabarmendu du espetxeak "indartu" egiten zaituela.
Espetxean "orain arte egin ezin nituen gauzak (irakurri, idatzi edo kirola egin) egiten ditut", nabarmendu du, eta itxaropenerako tartea utzi du azken esaldiarekin: "Ziur naiz aurrera egingo dugula".
Puigdemontek Junquerasi erantzun dio
Carles Puigdemont presidente eta Junts per Catalunya (JxCat) alderdiaren zerrendaburuak ordu gutxira erantzun dio Junquerasi, Rac1 irrati katean bertan eskainitako elkarrizketa batean.
Presidentea, asteburuan, Bruselan. Argazkia: EFE
Puigdemonten hitzetan, "155. artikuluaren kolpeari" aurre egiteko aurkeztu da bera hauteskundeetara. Abenduaren 21eko hauteskundeetatik ateratzen den "Gobernu eta presidentetza legitimoak Palaun egon beharko luke, estatu kolpe ez-legitimo bati botoen bidez indarra kentzeko", gaineratu du.
Hala, presidenteak ez du argitu ERCk zuzendutako gobernu baten kide izango ote litzatekeen, baina nabarmendu du 155arekin kargugabetutako exekutibo bera jartzearen aldekoa dela. Berarentzat, Junquerasek presidenteorde izaten jarraitzen du.
"155a hobekien ezeztatzen duen formula deuseztatu duten hori da", adierazi du.
Zure interesekoa izan daiteke
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.