Lolita Chavezek jaso du Ignacio Ellacuria Saria, giza eskubideen defentsagatik
Iñigo Urkullu lehendakariak Guatemalako maien Ki'che herriaren liderra den Lolita Chavez ekintzaileari eman dio 2017ko Ignacio Ellacuria garapenerako lankidetzaren saria, giza eskubideen defentsagatik, bereziki emakumeenak eta herri indigenenak.
Mugarik Gabe garapenerako gobernuz kanpoko erakundeak proposatu zuen Lolita Chavezen hautagaitza, eta epaimahaiak saritu du "bizitza eta bere balioekin zintzoa den gizarte bat eraikitzeko lurraldea defendatzeko egindako borrokarengatik eta giza eskubideak eskuzabaltasunez aldezteagatik". Guatemalako aktibistak lurrak babesten eta gizonezkoen eta emakumezkoen arteko zuzentasunaren borrokan egindako lana nabarmendu du lehendakariak.
Iñigo Urkulluk eman dio Lolita Chavezi Ignacio Ellacuria Saria. EFE
"Biktimak gogoratzen ditugu, giza eskubideak urratu dituztenen biktima guztiak. Lehenik eta behin ohoratzeko, baita giza ohorea eraikitze ideologiko, erlijioso edota politikoaren mendean jarri dutenak egin dutela nabarmentzeko ere. Horregatik, garrantzitsua da beti giza ohoreari eta giza eskubideei hierarkikoki balore handiagoa ematea", adierazi du Urkulluk.
Garapenerako lankidetzaren Ignacio Ellacuria Saria Eusko Jaurlaritzak ematen du, Elankidetza Lankidetzaren Euskal Agentziaren bidez. Euskadiko eta Euskaditik kanpoko erakundeek, kolektiboek eta pertsona indibidualek herrien arteko berdintasunaren eta justiziaren aldeko borrokan eta pobrezia ezabatzeko borrokan egindako ekarpena aitortzea du helburu, euskal gizartea eta nazioarteko gizartea sentsibilizatze aldera.
Epaimahaiaren arabera, giza eskubideen alde eta, bereziki, Guatemalako herri indigenen eta emakumeen alde egindako lanarengatik nabarmendu da Chavez. Hain zuzen ere, 87 komunitate biltzen dituen Pueblos K'iche' por la Defensa de la Vida, la Madre Naturaleza, la Tierra y el Territorio (CPK) delako kontseiluan egiten duen lanaren ondorioz istilu ugari izan ditu Guatemalako Gobernuarekin, bere bizitza arriskuan jartzeraino, eta horren ondorioz 2017ko ekainetik Euskadin bizi da Eusko Jaurlaritzaren Giza Eskubideen Defendatzaileak Aldi Baterako Babesteko Programaren babesean.
Zure interesekoa izan daiteke
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan Extremaduran PSOEk inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritza "oso kezkatuta" agertu da eskualdatzeen auzian izandako "atzerapausoengatik"
Eusko Jaurlaritzako bozeramaile eta Autogobernu sailburuak ohartarazi duenez, nahiago dute transferentziarik ez egitea, "eskualdatze txarra" izatea baino. Gaur arratsaldean Elma Saiz ministroarekin bilera du Ubarretxenak, eta espero du egoera bere onera etortzea.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarrientzat etxegabetzeak debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.