ERCk irabaziko lituzke hauteskundeak eta independentismoak gehiengoa handituko luke
Orain Kataluniako Parlamenturako hauteskundeak egingo balira ERC izango litzateke lehen indarra botoen % 24 eskuratuta (35-37 eserleku), Ciutadans (C's) eta JxCat-en aurretik, CEO Iritzi Ikerketetarako Zentroak egindako azken barometroaren arabera.
Alderdi independentistek (ERC, JxCat eta CUP) Parlamentuan duten gehiengoa areagotuko lukete; izan ere, guztien artean 70 eta 76 aulki artean izango lituzkete. Ciutadans litzateke bigarrena botoen % 21,4 lortuta (29 eta 30 eserleku artean) eta Junts per Catalunya (JxCat), ostera, hirugarrena litzateke botoen % 17,9 eta 27-29 eserlekurekin. PSCk botoen % 15,5 bereganatuko luke (19-21 aulki), Catcomu-Podem koalizioak % 7,8 (8-10 aulki), CUPek botoen % 7 (8-10 aulki) eta PPk, azkenik, % 3,8 (3-4 aulki).
Jordi Argelaguet CEOko zuzendariak eman ditu ostiral honetan azken barometroaren inguruko xehetasunak, prentsaurrean. Azaldu duenez, 1.500 elkarrizketa egin dituzte ekainaren 23tik uztailaren 14ra bitartean. JxCat-en jaitsieraz galdetuta, Carles Puigdemont buruzagia atzerrian egon izanak eta presentzia mediatikoa galdu izanak eragina izan duela uste du.
ERC eta JxCat-en arteko aldea "handiagotu" egingo litzateke, independentismoaren barruko indar korrelazioa aldatuz.
Buruzagi politikoez galdetuta, Oriol Junqueras ERCko presidentea da galdeketan parte hartu duten kataluniarren artean puntuazio altuena lortu duena: 6,16. Carles Puigdemontek doi-doi lortu du bosteko marra gainditzea (5,01) eta Quim Torra egungo Generalitateko presidenteak, berriz, ez da bostera iritsi (4,89).
Zure interesekoa izan daiteke
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduren bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.