Aurrekontuak luzatzea saihesteko bere abstentzioa eskaini du EH Bilduk
Aurrekontuak luzatzea Exekutiboaren “porrot bat” izango litzakeela ohartarazi dio EH Bilduk EAJren eta PSE-EEren Eusko Jaurlaritzari. Horregatik, “jendearen bizi-kalitatea hobetzen hasteko”, batez ere pentsiodunen, gazteen eta emakumeena, aurrekontu-sailak onartzen baldin baditu bere abstentzioa eskaini dio koalizioak Exekutiboari.
Koalizioak Pedro Azpiazu Ekonomia eta Ogasun sailburuarekin ostiralean egingo duen bileran, Eusko Jaurlaritzak proposamenari erantzun “positiboa” ematea espero dute Maddalen Iriarte eta Nerea Kortajarena legebiltzarkideek, “ekonomia eta gizarte politikak birbideratzeko aukera baitu”.
Zentzu horretan, 2019rako kontuen proiektuan “jendearen bizi-kalitatea hobetzen hasteko aurrekontu-sail nahikoak” barneratzen baldin badituzte, “bi abstentzio jartzeko” prest agertu da EH Bildu. Aurrekontuak luzatzea “Jaurlaritzaren porrot bat” izango litzakeela ohartarazi dute bi legebiltzarkideek prentsaurrekoan, Donostian.
EH Bilduren proposamena “eragile ezberdinekin egiaztatu” dutela azpimarratu dute Iriartek eta Kortajarenak. Bi ordezkarien hitzetan, akordio posible bat “ilusio handia” sortzen ari da; izan ere, pentsiodunen, gazteen eta emakumeen “bizi-kalitatea hobetzeko aukera da”.
Zentzu horretan, pertsona pentsiodunen baldintzen “duintasuna” planteatu du EH Bilduk, Kortajarenak nabarmendu duenez, okerren pasatzen ari direnetatik hasita: emakumeak.
Testuinguru honetan, pentsioa diru-sarrerak bermatzeko errentarekin osatzen duten erretirodunak 15.000 dira soilik EAEn, baina “700 euro baino gutxiagoko diru-sarrerak dituzten pentsiodunak 190.000 dira”, deitoratu dutenez. Horregatik, 50.000 erretirodun gehiagori laguntzeko, pentsio osagarrien “eraginkortasuna eta irismena areagotzea” proposatu du EH Bilduk. Koalizioaren ahotan, “neurrion irismena progresiboki areagotzeko lehen pauso bat litzateke”. Gernikako Estatutuaren eta Diru-sarrerak Bermatzeko Legearen babesean egitea “posible” da, erantsi dutenez.
Proposamen “oso landu” bat dela errepikatu du Kortajarenak. Helburua ez da “abenturatan sartzea”, aukera “serio eta fidagarri” bat eskaintzea baizik, gaineratu duenez.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.