Ortuzar: 'EH Bilduk pentsiodunei ala PPri laguntzearen artean hautatu behar du'
Andoni Ortuzarrek, EAJren EBBko presidenteak, dei egin dio EH Bilduri Eusko Jaurlaritzaren 2019ko aurrekontuetako eskaintza babesteko, eta pentsiodunei ala PPri laguntzearen artean hautatzeko.
Añanako eskualdeko alderdikide egunean parte hartu du Ortuzarrek, Iruña Okan, Araba Buru Batzarreko presidente Jose Antonio Suso eta udal horretako alkategai Jesus Maria Guinearekin batera.
Pedro Azpiazu Ekonomia eta Ogasun sailburuak EH Bilduri egindako eskaintzari buruz hitz egin du agintari jeltzaleak, koalizioak aurrekontuak errazteko negoziazioan.
Azpiazuk 2019an 48 milioi euro eta 2020an 32 milioi euro nora bideratzea negoziatzea proposatu zion, eta pentsio baxuenak Diru-Sarrerak Bermatzeko Errenta hurrengo bi urteetan % 3,5 gora eginez igotzea eskaini zion EH Bilduri.
"Horren argia da. Bilduk aukeratu egin behar du: pentsiodun behartsuenei, arazoak dituzten familiei eta lanik gabekoei laguntzea ala PPri laguntzea", esan du Ortuzarrek.
Jeltzaleak nabarmendu duenez, "Bilduk erabaki egin behar du PPren aliatu taktikoa izan nahi duen". Popularrek ez dute aurrekontuak babestuko. 2017 eta 2018an abstentzioaren bidez aurrekontuak onartzea ahalbidetu zuten.
Euskal herritarrak "jipoitzen" ari da PP
Euskadiko aurrekontuak ez babestearekin, PPri EAJ zigortu nahi izatea egotzi dio, Mariano Rajoyren aurkako zentsura-mozioaren alde egiteagatik. "Mendeku hutsa da", esan du, baina "EAJ jipoitu nahi badute ere", euskal herritarrei ari zaie “zaplaztekoa” ematen.
Gainera, "gutxieneko errespetu politikoaren muga guztiak igarotzea” leporatu die popularrei, Anton Damborenea legebiltzarkidearen adierazpenak aipatuta. Popularrak EAJren eta EH Bilduren arteko akordioa autogobernuari buruz legeak ez betetzearekin alderatu zuen, "XX. mendearen erdialdean Hitlerrek egin zuen moduan".
"Onartezina da", esan du jeltzaleak. "Franco ukitzea nahi ez dutenek faxista deitzen digute guri, faxistek eta naziek jazarriak izan ginenoi. Otsoak ardiak salatzen", esan du.
Ortuzarrentzat, Euskadin PP "ez da etorkizuna, iragana baizik, iragandako iragana, iragan beltza".
Sozialistei erantzuna
Euskal sozialistei ere zuzendu zaie Ortuzar. Idoia Mendiak EAJk "bizikidetzaren eta pluraltasunaren oinarriak apurtzen dituzten apustuak egiteagatik" arduratuta dagoela esan zuen.
Ortuzarrek erantzun dionez, Mendia balitz arduratuta egongo litzateke "Espainiako Gobernuak Euskadirekin hitzartutakoa ez betetzeagatik eta Estatutuaren eskumenak ez transferitzeagatik".
Arabako aurrekontuak
Bestalde, Arabako EAJren presidente Susok, Foru Aldundiaren eta Gasteizko Udalaren aurrekontuak aipatuta, jeltzaleek oposizioari "eskua luzatuta" daukatela gogoratu du, eta EH Bilduri eta PPri negoziazioan "oztopoak jartzea" leporatu die, gizartearen interes komuna ahaztuta.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.