Manifestazio batek Konstituzio errepublikano bat eskatu du Donostian
Gipuzkoako hainbat elkarte errepublikanok deituta, manifestazio bat Donostiako erdigunetik ibili da ostegun honetan, xede izanik Konstituzio errepublikano bat eskatzea.
Nicolas Guerendiain Irungo Errepublikarrak elkarteak, Andoaingo Belabieta Elkarte Errepublikanoak eta Donostiako errepublikarrak elkarteak antolatu dute manifestazioa, Konstituzio Egunaren ospakizunarekin bat eginda; besteak beste, Unidos Podemosen diputatu Isabel Saludek eta PSR-EPKko idazkari nagusi eta Ezker Anitzako legebiltzarkide Jon Hernandezek hartu dute parte.
Protesta hasi aurretik, Isabel Saludek nabarmendu du, kazetarien aurrean, berak ordezkatzen duen alderdiak egiten duela "Estatu federal eta errepublikano baten alde". Halaber, esan ere esan du "gure herrialdeko ultraeskuinaren eta eskuinaren jarreren guztiz aurka daudela"; izan ere, horiek gauza bakarra egiten dute: "Jendea sutan jartzea, eta gorrotoa, frustrazioa eta konfrontazioa sortzea".
"Elkartasuna, independentzia eta zatiketaren aurrean"
Salud euskal errepublikaren edo Kataluniako errepublikaren alde egiten dutenen aurka ere kokatu da: "Independentzia eta zatiketa eskaintzen dute", azpimarratu duenez. Ezker Anitza-IUren apustua da, aldiz, "elkartasunaren eta letra larriz idatzitako Espainia errepublikanoaren aldekoa".
Ezkerreko diputatuak aldarrikatu ditu, horregatik, "berdintasunaren, justizia sozialaren, senidetasunaren eta solidaritatearen balioak".
Jon Hernandezek, berriz, galdegin du "hirugarren errepublika". Hori gizarte-gehiengo langilearen eta beheko jendearen zerbitzura eraiki beharko litzateke, "Espainian dauden zenbait herriren borondatetik".
Ezker Anitzaren Gipuzkoako koordinatzaile Arantza Gonzalez eta Amaia Marin Irabaziren Donostiako zinegotzia ere izan dira manifestazioan. 12:00ak jota irten da martxa Boulevardetik; aurrealdean, bandera errepublikano handia zeramaten, eta horren erdian ikurrina bat; Donostiako erdigunea zeharkatu dute, errepublikaren aldeko eta monarkiaren kontrako leloak oihukatu dituzte, ibilbidean.
Albiste gehiago politika
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.