Biktimek positibotzat jo dute 'Herenegun' adosten saiatzeko hausnarketa epea
'Herenegun' hezkuntza-programa adosten saiatzeko Eusko Jaurlaritzak zabaldutako hausnarketa epea positibotzat jo dute terrorismoaren biktimen hainbat taldek.
Jonan Fernandez Eusko Jaurlaritzako Giza Eskubideen, Bizikidetzaren eta Lankidetza idazkari nagusia Terrorismoaren Biktimen Partaidetzarako Euskal Kontseiluarekin bildu da ostiral honetan, Gasteizen.
Bilera amaitzean, Eusko Jaurlaritzak aurkeztutako prozesu berria positiboa dela esan dute AVTek, Covitek eta Fernando Buesa Fundazioak. Halaber, Eusko Jaurlaritzak biktimen elkarteekin banan-banan egingo dituen bilera bilateralak noiz zehaztuko dituzten zain daudela esan dute.
Ostiral honetan ekin dio Eusko Jaurlaritzak 'Herenegun' hezkuntza-programa adosten saiatzeko elkarrizketa prozesuari. Proiektuari egin dizkioten "ekarpenak barneratzeko" denbora behar dela argudiatuta, proiektua datorren ikasturtean ezarriko dutela iragarri zuen Jaurlaritzak —berez, apirilean zen abiatzekoa—. Hilabeteok, bada, programaren inguruan "ahalik eta adostasun zabalena" lortzeko baliatuko dituzte.
Ildo horretan, Iñigo Iturrate EAJko legebiltzarkideak positibotzat jo du Eusko Jaurlaritzak 'Herenegun'en ekarpenak barneratzeko hartutako konpromiso, "adostutako materia bat izan behar duelako eta gizartearen zati nagusi baten iritziak jaso behar dituelako".
Bestalde, Julen Arzuaga EH Bilduko legebiltzarkideak berretsi egin du koalizio soberanistak ez duela Jaurlaritzak landutako materiala babesten, eta arlo honetan erabateko adostasun politikoa lortzea "oso zaila eta ia ezinezkoa" dela iritzi dio.
José Antonio Pastor (PSE-EE) legebiltzarkidearen esanetan, "Euskadin ezberdin pentsatzeagatik hilketak eman zirela eta horrelakorik inoiz gertatu behar ez zuela jakin behar du" gaztediak. Gainera, aurreko materialean terrorismoaren deslegitimazioa ematen ez zela uste du Pastorek, eta hori "zuzendu dezatela espero duela" esan du.
Carmelo Barrio PPko legebiltzarkidearen ustez, 'Herenegun'ek ETAren "inposizio terroristaren" nondik norakoak jakinarazi behar dizkie belaunaldi berriei, berriro gertatu ez dadin. Bestalde, oraindik ETAren indarkeria gaitzesten ez dutenentzako "tokirik ez egotea" eskatu du Barriok, eta biktimen elkarteen ikuspuntua nagusi izatea eskatu du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.