Eskuinari aurre egiteko 'horma' osatuko dutela esan dute ERCk eta EH Bilduk
EH Bilduk eta Kataluniako Esquerra Republicanak elkarlanean aritzeko aliantza berretsi dute gaur Bilbon. Apirilaren 28ko hauteskunde orokorrei begira adostutako akordioaren ildo nagusiak aurkeztu dituzte Mertxe Aizpurua eta Oscar Matute EH Bilduren Gipuzkoako eta Bizkaiko zerrendaburuek hurrenez hurren, eta Gabriel Rufian ERCko diputatuak. Une historikotzat jo duten honetan, "eskuinari aurre egiteko horma" osatuko dutela nabarmendu dute ordezkari independentistek.
"Siglen gainetik herrien arteko aliantzak" behar direla azpimarratu dute EH Bilduko eta ERCko hautagaiek, "duela 80 urteko faxismoa bueltan datorrela ohartaraziz". Era berean, PSOEn eta Ciudadanosen arteko balizko akordioa, PP, Ciudadanos eta VOX alderdien artekoa baino kaltegarriagoa izan litekeela nabarmendu dute.
Gabriel Rufian ERCko kidearen arabera, Pedro Sanchez PSOEko burua hauteskunde ondoren alderdi laranjarekin akordiotara heltzeko "irrikaz" dago.
Oscar Matute EH Bilduren Bizkaiko zerrendaburuak, bere aldetik, uste du PSOEk hauteskunde aurretik argitu beharko lukeela eskuin muturreko alderdiren batekin akordiotarako prest dagoen edo ez.
ERCK eta EH Bilduk argi esan dute euren botoek ez duela eskuin muturreko gobernu bat ahalbidetuko, eta PSOEri ohartarazi diote "txeke zuririk" ere ez dutela jasoko. Alderdi independentisten botoa nahi badu, Sanchezek jakin beharreko gutxienekoak zeintzuk diren zehaztu dituzte: "erabakitzeko eskubideaz hitz egiten hastea, preso politikoak askatzea eta politika neoliberalak geldiaraztea dira gutxieneko batzuk", esan dute.
"Euskal Herriaren eta Kataluniaren erabakitzeko eskubidea, preso politikoen askatasuna eta etxeratzea, errepresioaren kontrako borroka, eskubide sozial eta ekonomikoen aldeko defentsa edota eskuin muturraren kontrako aliantza sendoa osatzea" dira EH Bilduren eta ERCren arteko akordioaren ildo estrategiko nagusiak.
Albiste gehiago politika
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.
Eusko Jaurlaritzak espero du Estatuak "borondate politikoa" izatea "hartutako konpromisoak" egin egin daitezen
Pradales lehendakaria eta Sanchez Espainiako gobernuburua buru direla, bi gobernuek gaur arratsaldean Moncloan egingo duten bileraren atarian, Maria Ubarretxena Eusko Jaurlaritzaren bozeramaileak adierazi du hilabeteak daramatzatela zain eta muin lanean, akordioak lor daitezen. "Gaur Euskadirentzat egun garrantzitsua izan daiteke", gaineratu du.
Gizarte Segurantzaren lehen blokearen balizko eskualdatzea “transferentzia oso mugatua, leihatila aldatzea” dela uste du ELAk
Mitxel Lakuntza ELAren idazkari nagusiaren arabera, praktikan ez da sakoneko aldaketarik izango, hau da, lehen 'Espainiako Gobernua' zioen leihatilan aurrerantzean 'Eusko Jaurlaritza' jarriko omen du. Hala ere, uste du zentralizazioa ez dela amaituko, eta aurrerantzean ere erabakiak Madrilen hartuko direla.
Gizarte Segurantza eta sare elektrikoko inbertsioak izango dituzte aztergai Pradalesek eta Sanchezek gaurko hitzorduan
Transferentzien Aldebiko Batzordea Madrilen bilduko da gaur, eskualdatu gabe dauden transferentziekin aurrera egiteko. Euskara Europan ofizial egitea, Europako Makroeskualde Atlantikoa sortzea, Euskadiren konektibitatea eta migrazioa ere jorratuko dituzte.