Estatutu berriaren zirriborroan aurrerapausorik egon ez dela deitoratu du EH Bilduk
EH Bilduko ordezkariak atsekabetuta azaldu dira astearte honetan, Eusko Legebiltzarrak Estatutu berriaren proposamena idazteko izendatutako aditu taldeak ez duelako aurrerapausorik eman, nahiz eta horretarako epea ekainean agortuko den.
Maddalen Iriarte koalizio abertzaleko bozeramaileak agerraldia egin du gaur komunikabideen aurrean, "kezkatuta" daudela adierazteko. Izan ere, Iriarteren hitzetan, ustez iazko urrian hasi ziren lanean, baina oraindik ez dute testuaren atal bakar bat bukatu.
Iriartek gogora ekarri du, halaber, Legebiltzarrak argi utzi ziela mandatua bete behar zutela, bai epeei (zortzi hilabete) zein edukiari dagokionez. Horrek esan nahi du adituek aurkeztu beharreko proposamenak ponentziak adostutako oinarriekin bat egin behar duela. Halere, oinarri horiek errespetatzen baldin badituzte, gainerako alderdien boto partikularrekin "lotura puntuak" bilatzeko aukera izango dute, orain arte adostutako itunak zabaltze aldera.
Bestalde, gaurko agerraldian adierazi duenez, "nahi izanez gero, posible da Estatutu berria ituntzea". EH Bilduko bozeramailearen iritzian, bere alderdiak EAJrekin lortutako akordioa "historikoa" izan zen.
Horregatik, lanari ekiteko eta Legebiltzarrak egindako eskaria betetzeko deia egin dio aditu taldeari, "Estatu espainiarraren inboluzioari aurre egiteko beharrizana dugulako".
Bestalde, EAJk azken egunotan EH Bilduri egindako kritikak izan ditu hizpide Iriartek, bereziki, Andonio Ortuzar presidentearenak, tartean, "EH Bildurekin ez dago fidatzerik, autogobernuari dagokionez ere ez", esan baitu.
Iriarteren aburuz, EAJk ez du "etsai egokia" aukeratu, iazko uztailean lortutako akordioa "oso garrantzitsua" eta "herritarren ongizaterako nahitaezkoa" baita.
Erkorekak kontrakoa dio
Josu Erkoreka Eusko Jaurlaritzaren bozeramaileak, berriz, EH Bilduk esandakoa zuzendu du eta Legebiltzarreko aditu taldeak urratsak eman dituela ziurtatu du. Areago, akordio batzuk ere egin dituztela azpimarratu du.
EH Bilduren adierazpenak hauteskundeetako testuinguruaren ondorio direla esan du Erkorekak, "ez baita egia ezer egin ez dela".
Albiste gehiago politika
PPk "autogobernuaren inguruko hausnarketa" egitea eskatu du, ongizatea dakarren arren, "ondo kudeatu behar delako"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, bere ustez, "arazoak ditugulako eskumenak ditugun eremuetan". PPko Legebiltzarreko bozeramailearen ustez, egoera hori "oso argia" da etxebizitzaren auzian. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek merkatua tenkatu dute, eta hori bien artean egin dute", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak bere tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".