Eusko Jaurlaritza: 'Ertzaintza profesionaltasunez aritu zen Voxen aurkako protestan'
Estefania Beltran de Heredia Eusko Jaurlaritzako Segurtasun sailburuaren esanetan, Ertzaintza "profesionaltasunez eta zorroztasunez" aritu zen joan den apirilaren 13an, Bilbon, Voxen mitin baten aurkako protestan. Halaber, barne ikerketa zabalik jarraitzen duela onartu du, 19 urteko emakume bat zauritu baitzen, Ertzaintzaren foamezko jaurtigai batek jota.
Horrenbestez, Beltran de Herediak Ertzaintzaren jardunbidea defendatu du Eusko Legebiltzarrean eta Elkarrekin Podemos eta EH Bilduren galderei erantzun die. Zauritutako emakumea ospitalera eraman zuten, masailezurra apurtuta zuelako.
Protestan modu baketsuan edo indarkeriaz parte hartu zutenen artean Ertzaintzaren "bereizteko" gaitasuna zalantzan jarri du Julen Arzuaga EH Bilduren legebiltzarkideak. Bestalde, foamezko jaurtigailuak erabiltzaren arriskuaz ere ohartarazi du Arzuagak.
Edurne Garcia Elkarrekin Podemoseko legebiltzarkidearen esanetan, Ertzaintzak testuinguru "konplexu" bati aurre egin behar izan zion, baina "horrek ez du dena justifikatzen". Bestalde, liskarrei aurre egiteko Ertzaintzak erabilitako material berri horrek zaurituak eragiten dituen lehen aldia izan dela azpimarratu du, eta hortaz, Jaurlaritak "kontu eman" behar duela esan du.
Beltran de Herediaren ustez, istiluen "larritasuna eta indarra" ikusita, "beharrezkoa" izan zen foamezko jaurtigaien erabilera. Ertzaintzak azken urteotan erabilitako gomazko piloten ordez erabiltzen ditu orain foamezko jaurtigaiak.
Izan ere, gogora ekarri du Voxen aurkako protesta ekitaldian parte hartu zutenetako batzuek harriak eta bengalak bota zizkietela ertzainei, eta kalte garrantzitsuak eragin zituztela, besteak beste autobus batean.
Sailburuak onartu egin du, bestalde, 19 urteko gazte bat zauritu zutela, foamezko jaurtigai batek masailezurrean kolpatu zuelako. Horregatik, Beltran de Herediaren hitzetan, ertzain batek artatu behar izan zuen. Agenteak anbulantzia bat eskatu zuen , eta ospitalera eraman zuten. Gazteak, baina, zera esan zuen salaketa jarri zuzenean: "Ertzain batek aurpegira bota dit jaurtigaia, hamar metro baino gutxiagoko distantzia batetik".
Zure interesekoa izan daiteke
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.