Programa akordio bat onartzea eskatu dio IUk Podemosi, nahiz eta Gobernuan ez sartu
Nahiz eta PSOEk koalizio gobernu bat berriz ez eskaini, akordio programatiko bat ixten saiatzea eskatu dio Izquierda Unidak Unidas Podemosi, hauteskundeen errepikapena "beharrezkoa ez den arrisku onartezina" delako.
Bitartean, "atsedenik gabe lan egiten ari diren botere ekonomikoen presioaren aurrean" amore ez emateko eskatu dio PSOEri, "ezkerreko gobernu" bat saihestu nahian dabiltzalako. Herritarrak berriro hautestontzietara deitzen baldin baditu "eskuinei gobernatzeko bigarren aukera bat emango die", ohartarazi duenez.
"Argi eta garbi beharrezkoa ez den arrisku onartezina saihesteko" garaiz daudela azaldu du alderdiak agiri batean, hauteskundeen balizko errepikapen bati erreferentzia eginez, Pedro Sanchez hautagai sozialistaren inbestidurak ostegunean porrot egin ondoren.
Ondorioz, 2019ko aurrekontu akordioan jasotako "oinarri programatikoak" kontutan hartuta, akordio bat eskatu beharko luke Unidas Podemosek balizko negoziazio batean, gaineratu dutenez.
"Unidas Podemos borroka kolektiboekin, gizarte mugimenduekin eta sindikatuekin lantzen ari den proposamenen inguruko akordio, negoziazio eta elkarrizketaren aldeko apustua egiten jarraitzen du Izquierda Unidak", azpimarratu du ohar batean.
Pedro Sanchezen inbestidura eta koalizio gobernua babestea onartu zuen Izquierda Unidak iragan larunbatean, militanteei galdetu ondoren, programaren inguruko akordio bat lortuz gero.
Negoziazioek kale egin zutela ikusita, IUko diputatuek abstenitzea erabaki zuten, Unidas Podemoseko talde parlamentario osoak egin bezala, baina orain "ezker sendo, koherente eta sinesgarri" baten aldeko apustua egin du, hauteskunde berriek eragingo luketen "amorrua" saihesteko.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.