Casanovaren lore eskaintzarekin abiatu dute Diada, 'proces' auziaren epaiaren atarian
Irailaren 11 izaki, Diada eguna dute Katalunian. Kataluniako prozesuaren inguruko epaia iristear den honetan (datozen asteetarako espero da), zatituta iritsi dira alderdi independentistak. Ospakizuna Rafael Casanovaren monumentuan egin ohi duten lore eskaintzarekin abiatu da, baita polemikarekin abiatu ere. Izan ere, Kataluniako Gobernuaren ordezkaritza loreak uzten ari zenean, Espainiako himnoa jarri dute handik gertu dagoen hotel batean.
Independentismoak Auzitegi Gorenaren epaiari emango dion erantzunaren lehen erakustaldia izango da gaurkoa. Gaur-gaurkoz Kataluniako Gobernua, JxCat eta ERC ez dira gai izan epaiari eman beharreko erantzunaren inguruan ados jartzeko. Dena dela, guztiak bat datoz gakoetako bat mobilizazioa izango dela esaten. Horrela, Diada egunak herritarren mobilizazio horri tamaina hartzeko balio dezake.
Diada eguneko ekitaldiak goizean goiz hasi dira. Tradizioari jarraituz, Rafael Casanovaren omenezko monumentuaren aurrean lore eskaintza egin dute erakunde, alderdi (Cs eta PP kenduta) eta erakundeek.
Beti bezala, Kataluniako Gobernuko ordezkarien eskaintzarekin abiatu da ekitaldia; aurten, baina, Espainiako ereserkiak hartu du protagonismoa. Izan ere, Torra buru, Generalitateko kideek loreak uzten ari zirenean, Espainiako himnoaren doinuak entzuten hasi dira gertu dagoen hotel baten bozgorailuetatik. Ekitaldia une batez eten dute, eta doinua amaitutakoan ekin diote berriro.
Bideoa | Espainiako ereserkia ozen entzun da Casanovaren omenezko lore eskaintzan
Meritxell Budo Presidentetzako kontseilariak gertakaria gaitzetsi du. Ekitaldiaren ostean egindako adierazpenetan, himnoa jartzea "sentsibilitate eta errespetu falta" dela nabarmen du.
"Diada nazionalaren eguna ospatzen ari gara Katalunian, eta Espainiako ereserkiarekin boikotatzen saiatzea deitoragarria eta gizalegearen kontrakoa iruditzen zaigu", esan du Budok.
Bestalde, Roger Torrent Kataluniako Parlamentuko presidenteak adierazi du ospatzen duten "salbuespenezko" bigarren Diada dela, hainbat buruzagi independentista preso baitaude. Dena dela, itxaropentsu agertu da gaurko ospakizuna baketsua, aldarrikapenezkoa eta integratzailea izango delakoan. Torrenten arabera, "prozes" auziaren epaiak ziklo politiko berria abiatuko du: "Herri honetan egon badauden gehiengo zabal horiek diote ez dutela errepresioa nahi, gizarte demokratikoa nahi dute eta agenda bera".
Arratsaldean, manifestazioa
Eguneko ekitaldiei begira, Assemblea Nacional Catalana (ANC) erakunde independentistak arratsalderako deitu duen manifestazioan parte hartzeko deia egin du. Manifestazioa 17:15ean egingo da Bartzelonan, "Helburua independentzia" lelopean. Omnium erakunde independentistak, bere aldetik, ekitaldi politikoa egingo du, 11:00etan, Bartzelonako Lluís Companys pasealekuan, "Eskubideen eta askatasunen alde, absoluzio" lelopean.
ANCk 16:00etan deitu ditu herritarrak Espainia plazan eta inguruko kaleetan. Kataluniako Gobernuko kideak eta alderdi independentistetako ordezkariak bertan izango dira. Ciudadanos, PSC, PP eta Catalunya En Comú alderdiek ez dute parte hartuko. Koalizio morearen kasuan, alderdikideren batek parte hartuz gero, ez du alderdiaren izenean egingo.
Bestalde, atzo euriaren eraginez bertan behera gelditu zen Generalitateak eta Kataluniako Parlamentuak egin beharreko ekitaldi ofiziala. Dena den, ekitaldia gaur 22:00etan egingo da "Tornarem" lelopean. Quim Torra Generalitateko presidentea eta Roger Torrent Kataluniako Parlamentuko presidentea ez ezik, Ada Colau Bartzelonako alkatea ere izango da bertan.
Euskal ordezkaritza Diadan
EAJk eta EH Bilduk ordezkaritza bidali dute Kataluniara. Jeltzaleen izenean, Andoni Ortuzar EBBko presidentea eta Joseba Aurrekoetxea Antolaketa idazkaria izango dira. Biak ala biak David Bonvehi PDeCATeko presidentearekin eta alderdiko beste kide batzuekin izan dira Casanovaren lore eskaintzan eta beste ekitaldi ofizialetan.
Bideoa | EAJren ordezkariak Casanovaren lore eskaintzan
Ortuzarrek iristear den 'proces' auziko epaia hartu du hizpide kazetarien aurrean egindako adierazpenetan. Nabarmendu duenez, EAJk errespetu handia die erabaki judizialei, baina "Katalunia eta Estatuaren arteko gatazkari" lagunduko liokeen ebazpen bat galdegin du. Buruzagi jeltzalearen ustez, gatazka "balio duen modu bakarrean" konpondu behar da, hau da, elkarrizketaren, negoziazioaren eta akordioaren bidez.
Koalizio abertzaleak Maddalen Iriarte bozeramailea, Mertxe Aizpurua diputatua eta Pernando Barrena europarlamentaria bidali ditu. Ekitaldi ofizialetan ez ezik, arratsaldean deituta dagoen manifestazioan ere izango dira hirurak.
Bideoa | EH Bilduk ere hartu du parte lore eskaintzan
Gure Eskuren ordezkaritza bat ere Bartzelonan dago irailaren 11 honetan. Hain justu, Quim Torra Kataluniako presidentearekin bildu dira erabakitzeko eskubidearen aldeko plataformako kideak. Amalur Alvarez bozeramailea buru, Gure Eskuk babesa eta elkartasuna helarazi dio Generalitateko presidenteari. Horrez gain, Kataluniako eta Euskadiko egoera politikoa eta 'proces' auziaren epaia izan dituzte aztergai.
Plataformak "oinarrizko eskubide eta askatasunen aldeko defentsa aktiboa" egiteko konpromisoa berretsi dio Torrari.
Argazkia: @Gure_Esku
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.