Torrak premiazko bilera batera deitu ditu Kataluniako Gobernuaren goi-kargudun batzuk
Quim Torra Kataluniako presidenteak urgentziazko bilera deitu du asteazken honetan, gauean izandako istiluak eta egungo egoera aztertzeko. Torra Pere Aragones presidenteordearekin, Miquel Buch Barne kontseilariarekin eta Meritxell Budo Presidentetza kontseilariarekin batzartu da. Pedro Sanchezek, bere aldetik, bilerak egingo ditu PPko, Ciudadanoseko eta Unidas Podemoseko liderrekin, Kataluniako egoera hizpide hartuta.
Kataluniako Gobernuak jakitera eman duenez, 09:30ean batzartu dira, Generalitateko Jauregian, besteak beste, azken orduotan Bartzelonan eta Kataluniako beste hiri batzuetan izandako istiluak aztertzeko.
Proces auziko epaiaren aurkako elkarretaratzeak amaitutakoan, zenbait manifestarik protestari eutsi zioten, eta batzuek indarkeria erabili zuten: edukiontziak erre zituzten eta Poliziaren aurka egin zuten.
Sanchez Casadorekin, Riverarekin eta Iglesiasekin batzartuko da
Bitartean, Espainiako Gobernuaren jarduneko presidentea, Pedro Sanchez (PSOE), Pablo Casadorekin (PP), Albert Riverarekin (Ciudadanos) eta Pablo Iglesiasekin (Unidas Podemos) batzartuko da, banan-banan, Kataluniako istiluak aztertzeko, Moncloako iturrien arabera.
Bertatik salatu dutenez, Katalunian gutxiengo bat indarkeria nagusitzen eta bizikidetza hausten saiatzen ari da. Horren aurrean, istiluak tinko gaitzesteko eskatu diote independentismoari.
"Agerikoa da ez dela mugimendu baketsua; muturreko talde batzuk ari dira koordinatzen, eta kalean indarkeria ari dira erabiltzen, Kataluniako bizikidetza hausteko", Espainiako Gobernuaren hitzetan.
Egoera horren aurrean, Gobernuak segurtasun-indarren lana goraipatu du: "Ordenari eta bizikidetzari eusteko dabiltza lanean". Babes-mezua helarazi die zauritutako mosso eta Polizia Nazionaleko agenteei.
"Gobernuak segurtasuna eta bizikidetza bermatuko ditu Katalunian, eta gogora ekarri nahi du, halaber, irmotasunetik, proportzionaltasunetik eta batasunetik jardungo dela, beharrezkoa balitz", azpimarratu du.
Pedro Sanchezek Casadorekin, Riverarekin eta Iglesiasekin hitz egin zuen astelehenean, telefonoz, Auzitegi Gorenaren epaiaren berri izan ostean.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".