Gernikako Estatutua eguneratzeko 'akordioa zabaltzea' eskatu du Urkulluk
Gernikako Estatutuaren garrantzia azpimarratu du Iñigo Urkullu lehendakariak lege organikoaren 40. urteurrenean. Estatutua eguneratzeko alderdien arteko "akordioa zabaltzea" eskatu du EAEko buruzagiak.
Jasone Agirre EH Bilduko legebiltzarkideak galdera egin dio Urkulluri Eusko Legebiltzarreko kontrol saioan.
"Gaur 40 urte erakunde gisa prozesu bati hasiera eman genion. Ibilbide luzea dugu. Prozesuarekin aurrera jarraitzeko ez bakarrik arima, bihotza eta burua ere jarrita ditut", adierazi du lehendakariak.
Kataluniako egoera hizpide izan du agintariak. Euskadin "eredugarriak izan gaitezke", gogorarazi du. Adostasun handienarekin Estatutua eguneratzeko, "akordio zabala" lortzeko helburuarekin alderdien jarrerak hurbiltzea aldarrikatu du Urkulluk.
Kataluniako prozesu independentista aurrera eraman zuten buruzagi batzuen espetxeratze eta zigorrek Espainian "demokraziarik ez" dagoela agerian utzi dutela salatu du Jasone Agirrek. Gainera, Alderdi Sozialistarekin gobernatzea aurpegiratu dio Urkulluri, Agirreren esanetan, Euskal Herriaren eta Kataluniaren "eskubide politikoak ukatzen" ari denean.
Espetxean dauden Kataluniako buruzagiei "elkartasuna" adierazi die lehendakariak erantzunean. Hala ere, urriaren 14an esan bezala, gatazkaren konponbideak "negoziazio politikorako mahai" bat osatzea behar duela errepikatu du Urkulluk.
Lehendakariaren ahotan, mahaiak lurraldetasunaren eztabaida "Estatu ikuspegi batetik" jorratu beharko luke, "Estatu arazo bat" delako. Gainera, irtenbidea Espainiako Estatuaren “aniztasunaren” aitortzatik etorriko dela uste du Urkulluk.
Estatutua askatasun demokratiko eta eskubide zibilen "berme" dela nabarmendu du agintariak. Zentzu horretan, lege organikoa erreformatzeko prozesua aipatu du lehendakariak.
Horregatik, Euskadiko autogobernu eredua aldatzeko "aukerarik onena akordioa zabaltzea" dela berretsi du EAEko buruzagiak.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.