Alfonso Alonso: 'Egonkortasunerako aukera bakarra PP eta PSOEren arteko akordioa da'
Alfonso Alonso Euskadiko PPko presidenteak Espainian ezegonkortasuna eragin izana egotzi dio Pedro Sanchezi. "PSOE ez da inon ageri. Pedro Sanchez dago". Alonsoren hitzetan, egoera politikoa "hondamendia" da, eta horren errezeta "PSOE agertzea da, Sanchez dagoen bitartean ez baitago zer eginik". Euskadiko PPko buruaren esanetan, "azkenean arrazoia zuen Albert Riverak, Sanchez ez da fidatzekoa", eta "onena PPk PSOErekin duen jarrera negoziatu eta zentzuz jokatzea da", ondorioztatu du. Alonsoren ustez, "Sanchez da Espainiaren arazoa, ez baita fidatzekoa, ezta akordioak lortzeko gai ere".
Horrenbestez, Alonsoren hitzetan, PPk "zuhurtziaz" kudeatu behar du egoera, "denborak neurtuz"; izan ere, "legealdi honi egonkortasuna ematen dion alternatiba bakarra PPren eta PSOEren artean akordioren bat egotea da". Hala ere, egungo egoerak ez duela ahalbidetzen onartu du, PSOEren eta Unidas Podemosen arteko aurreakordioa dela eta. "PP alternatiba bakarra da gaizki emanda datozenean", esan du Alonsok.
Alonsok ezkerreko aliantzaren aurka ere egin du: "Nork inbertituko du dirua Espainian? Podemos alderdi populista eta Europaren kontrakoa da, bere errezeta ekonomikoak dardarka jartzeko modukoak dira, eta erregimen konstituzionala eraitsi nahi dute". Alfonso Alonso "kezkatuta" agertu da Pablo Iglesiasen alderdiak Espainiako Gobernuan duen eraginagatik. "PSOEk ezker sinesgaitz baten alde egin du", esan du.
Alonsoren esanetan, Voxek ez du eraginik, "ez baita probetxurako alderdia, asaskatzekoa baizik". Hala ere, Iñigo Urkullu lehendakariak alderdi ultraeskuindarra zokoratzeko proposatutako neurriak errefusatu ditu: "Zergatik ez dago terrorismoa gaitzesten ez duen EH Bildurekin osasun hesirik?". Aitzitik, Voxek "orain arte legea errespetatu du", Alonsoren arabera.
Bestalde, Madrilgo Biltzarrean alderdi independentistak legez kanpo uztearen aldeko mozio bat babestu izana "akatsa" izan zela esan du Alonsok, eta baztertu egin du EAEn Vox alderdiarekin koalizioa egiteko aukerarik egotea.
EAEko aurrekontuak
"Kontuak onartzeko aukerak oso txikiak dira, EAJk ezkerrera egiten duelako", horren arabera. PPk ia baztertu du Jaurlaritzaren aurrekontuen proiektua babestea. "Ilusio handia dute kastaren zigorra delakoekin akordioa adosteko. Podemosekoak asko gozatu dira, antza; EAJ ez omen da stablishment", esan du. Horren hitzetan, "pakete berean" daude Madrilgo negoziazioak eta aurrekontuak. "Lehenengo PPrekin eta jarraian Podemosekin ituna egiten duen gobernu bat ez da serioa", erantsi du.
Legebiltzarrean EAEko Estatutua berritzeko egiten ari diren lanen harira, "Espainian lo zegoen beste fronte bat irekiko da, Estatutua likidatzen duen eta esparru konstituzionala gainditzen duen erronka batekin", esan du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.