Negoziazioan 'aurrerapausoak' ikusten ditu Elkarrekin Podemosek
EAEko aurrekontuen negoziazioan, politika feministetan eta ingurumenean "aurrerapausoak" eman direla onartu du Elkarrekin Podemosek.
Pedro Azpiazu Eusko Jaurlaritzako Ogasun eta Ekonomia sailburua Elkarrekin Podemos osatzen duten bi alderdirekin (Equo eta Podemos) bildu da ostiral honetan.
Ezker Anitza-IUko bi legebiltzarkideek, aldiz, negoziazioa uztea erabaki zuten iragan astean, eta kontrako botoa eman behar dutela iragarri zuten.
Nahiz eta "zati oso garrantzitsu" bat negoziatzeke egon, akordioa "hurbilago dago” politika feministetan eta ingurumenean, Lander Martinez Elkarrekin Podemoseko legebiltzarkideak bilera ondoren azaldu duenez.
Behintzat, bi gai horien inguruko negoziazioan akordioa "hurbilago" dagoela ziurtatu du Martinezek, baina kontuen inguruan adostasun orokor bat lortzeko "asko" falta dela zehaztu du.
Horrela, oraindik aurrekontuen "zatirik garrantzitsuena" eztabaidatzeke dagoela ohartarazi du Martinezek, politika ekonomiko eta sozialen ingurukoa, alegia; balizko krisi ekonomiko baten aurrean herritarrak eta enpresak babesteko neurriak.
Bazterketa soziala
Erronkei aurre egiteko aurrekontuetan neurriak barneratzea eskatu dio Elkarrekin Podemoseko ordezkariak Jaurlaritzari. Zentzu horretan, Caritasen azken txostena gogorarazi du Martinezek: 300.000 pertsonak bazterketa soziala sufritzeko arriskua dute Euskadin.
"Baliteke", azkenean, enplegu planek hasiera bateko eskaerak ez asebetetzea, Martinezek onartu duenez. Gainera, E-Podemosek Jaurlaritzari zerga erreforma bat bultzatzeko planteatutako eskakizuna, azkenean hiru lurralde historikoetako Batzar Nagusien bidez bideratuko dutela erantsi du.
Negoziazioak "pixkanaka-pixkanaka eta diskrezioz" aurrera eramatearen alde agertu da Martinez.
Osoko zuzenketa
Jaurlaritzaren aurrekontu proiektuari osoko zuzenketa bat aurkeztuko diotela esateko edo ukatzeko "goiz" da, E-Podemosek ordezkariak azaldu duenez. Hala ere, negoziazioari aurrera egiten jarraitzeko "itxura" hartzen baldin badiote, ez lukete halakorik aurkeztuko.
Bestalde, Martinezek EH Bilduri erantzun dio. 2020ko aurrekontuetan balizko akordio batera heltzeko Elkarrekin Podemosen proposamenak iaz koalizio abertzaleak aurkeztutakoak baino "asmo handiagoak" dituela adierazi du.
Eusko Jaurlaritza
Era berean, berdintasunean eta klima-aldaketaren aurkako borrokan emandako "aurrerapauso esanguratsuak" azpimarratu ditu Eusko Jaurlaritzak, baina enplegu politiketan akordio bat bilatzeko saiakeran "sakontzen jarraitzeko" beharra onartu du Exekutiboak.
Bilera ondoren Sailak agiri batean jakitera eman duenez, Elkarrekin Podemosek "bi ardatzetan" oinarritutako negoziazioa planteatu du: balizko krisi baten aurrean familiak, enpresak eta gazteak babesteko neurriak; eta berdintasuna bultzatzeko eta klima-aldaketaren aurkako borrokarako neurriak.
Berdintasunean eta klima-aldaketaren aurkako borrokan "aurrerapauso esanguratsuak" eman dituzte ostiral honetan, Exekutiboak nabarmendu duenez. Hala ere, "enplegu politika publikoak aztertzeko garaian, sakontzen jarraitu beharra dago", onartu duenez.
Gainera, Ogasun Sailak ziurtatu duenez, Elkarrekin Podemoseko ordezkariek "negoziazioan marra gorririk" ez dagoela errepikatu diete.
Hitzordu berri bat zehazteko deia egin dute bi aldeek, baina oraingoz data ez dute zehaztu.
Atzo, bilera EH Bildurekin
Bitartean, EH Bildu batzartu zen atzo, ostegunean, Azpiazu sailburuarekin, Aurrekontuen negoziazioaren testuinguruan: bilera amaituta, Maddalen Iriarte EH Bilduko bozeramaileak adierazi zuen Eusko Jaurlaritzak eta Elkarrekin Podemosek, haren iritziz, "oso aurreratuta" daukatela 2020ko Aurrekontuak onartzeko ituna, "dagoeneko akordioa itxita ez badago". Iriartek Elkarrekin Podemosen jarrera kritikatu zuen, eta haren babesa "merke" saldu izana egotzi zion: "Eusko Jaurlaritzak opari batekin egin du topo", adierazi zuen, atzo.
Horrez gain, PPrekin ere bilduko da Iñigo Urkulluren Gobernua, baina Alfonso Alonso Euskadiko PPko presidenteak aitortuta du Aurrekontuen inguruan akordioa lortzeko aukerak "oso txikiak" direla, eta "litekeena" dela Jaurlaritzak Podemosekin lortzea akordioa.
EAJk eta PSE-EEk osatzen duten koalizio-gobernuak ez du gehiengo osorik; hain zuzen ere, boto bat behar dute legealdiko azken urteko Aurrekontuak onartzeko. Hori dela eta, oposizioko talderen baten babesa jasotzen saiatzen ari dira egunotan.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.