Agirrek eta Leizaolak 'demokraziarekin azaldutako konpromisoa' goraipatu du Urkulluk
Jose Antonio Agirre eta Jesus Maria Leizaola erbestean izan ziren lehendakariek "aniztasun, demokrazia eta askatasunarekin azaldutako konpromiso lagaezina" eta "Euskadiren zerbitzura egoteko bokazioa" goraipatu ditu Iñigo Urkullu lehendakariak.
Gernikako (Bizkaia) Batzar-etxean omenaldia egin die Eusko Jaurlaritzak bi lehendakariei. Urkulluk bertan egin ditu adierazpenak. Agirrek zuzendutako aurreneko Eusko Jaurlaritzaren erbestaldiaren 80. urteurrena da, eta Leizaola Euskadira itzuli zenetik 40 urte pasa dira, 43 urte erbestean eman eta gero.
Leizaolaren eta Agirreren senideez gain, demokraziako lehendakari guztiek omenaldian parte hartu dute: Carlos Garaikoetxea, Jose Antonio Ardanza, Juan Jose Ibarretxe, Patxi Lopez eta Urkullu bera.
EAEko alderdietako buruzagi nagusiak bertan izan dira, PPkoak kenduta. Alderdi Popularrak omenaldian ez parte hartzea erabaki du, "alderdiko ekitaldi" bat dela iritzita, PPko iturriek azaldu dutenez.
Andoni Ortuzar (EAJ), Idoia Mendia (PSE-EE), Arnaldo Otegi (EH Bildu) eta Lander Martinez (Podemos Euskadi) elkarrekin eseri dira Gernikako Batzar-etxe historikoan.
Eusko Jaurlaritzako sailburu guztiak, legebiltzarkideak, hiru ahaldun nagusiak, hainbat alkate, besteak beste, Donostiakoa eta Gasteizkoa, eta Manuel Lezertua Arartekoa ekitaldian izan dira.
Omenaldian, bi lehendakarien memoria "bizirik" mantentzeko konpromisoa hartu du Urkulluk, "euren eredua jarraituz eta ondarea sendotuz".
Eusko Jaurlaritzak erbestean bizi izan ziren bi lehendakariei omenaldia egin die Gernikan (Bizkaia). Argazkia: EFE/Miguel Toña
Urkulluren hitzetan, "euskal autogobernuaren eraikuntza progresiboarekin konpromisoa eta ikuspegia" agertuz bi politikariek "erabat asmatu" zuten. "Egunez egun Euskadi eraikitzen jarraitzeko eredu bat dira", ziurtatu du.
Lehendakariak azpimarratu duenez, erbestea "errealitate luze eta gogorra izan zen Eusko Jaurlaritzarentzat", baita Euskadi utzi behar izan zuten euskal politikarien familientzat ere.
Euskadira sekula itzuli ez direnak bereziki gogorarazi ditu Urkulluk. Erbesteratuei "esker on zintzoena" adierazi die agintariak. "Haien oroimena Gernikako arbolaren beso zabalen artean aurkitzen da", erantsi du.
Horrela, Alfredo Espinosa (Batasun Errepublikarra) Osasun sailburu ohia gogorarazi du lehendakariak. Gorlizko ume tuberkulosoen ebakuazioan parte hartu ondoren, pilotu batek traizioa egin zion eta 1937ko ekainaren 26an fusilatu zuten.
Xabier Bindel Leizaolaren bilobak lehendakariaren memoria laudatu du. Sei seme-alaba eta 22 iloba izan zituen. "Jakituria eta ezagutza guztiaren gainetik" jartzen zuen; izan ere, haren "kultura izugarriak senideak hitzik gabe uzten zituen", nabarmendu du Bindelek.
Bestalde, aitonaren "sen soziala eta demagogiarik gabeko demokrazia" goraipatu ditu Amaia Agirrek, lehendakariaren ilobak eta Getxoko alkateak.
Donostiako Orfeoiak kantatu du ekitaldian. Gernikako arbolaren aurrean argazkia atera dute omenaldiaren amaieran. Era berean, Batzar-etxeko biblioteka bisitatu dute, baita Gogora Institutuak antolatutako 'Gerraosteko euskal erbestea' argazki erakusketa ere.
Jose Antonio Agirreren eta Jesus Maria Leizaolaren senideak omenaldian. Argazkia: EFE/Miguel Toña
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.