Parlamentaren babesa lortu, eta inhabilitazioa 'desobedituko' duela esan du Torrak
Quim Torra Generalitateko presidenteak iragarri duenez, ez du Hauteskunde Batzorde Zentralaren ebazpena beteko, Parlamentuak hala erabakitzen badu, "demokraziaren aurkako erasoen aurrean desobedientzia nahitaezkoa" baita. "Planto egiteko ordua heldu da", gehitu du. Eta hala erabaki du Parlamentuak, diputatu zein presidente gisa babesa adieraziz.
Hauteskunde Batzordeak diputatu akta erretiratzea eta inhabilitazioa eskatu ostean, Torrak zera salatu du: "Alderdiek eta zozketa batek hautatutako Hauteskunde Batzordeak gaitasungabetu nahi nau. Ez dut onartuko, Parlamentu honek horrela erabakitzen badu".
Torraren arabera, demokraziaren, injustizien eta abusuen kontrako erasoen aurreko desobedientzia ez da soilik eskubide bat, baizik eta betebeharra edozein agintari eta herritarrentzat", eta "edozein presidenterentzat betekizuna da". Horregatik, "Kataluniako presidentea eta diputatua izaten jarraitu" nahi du, Parlamentuak hori erabakitzen badu.
Alderdi batzuek hauteskundeetan lortu ez duten helburuak lortzeko Hauteskunde Batzordea bezalako erakunde judizialetara jotzea kritikatu du: "Planto egiteko ordua da, Parlamentu honen degradazioari ezetz esatekoa, Ganbera honen soberania eta kide guztien bortxaezintasuna defendatzekoa".
Inhabilitazioa eskatu zuten PP eta Ciudadanosi "borroka demokratikoari beldur ez izatea" eskatu dute, eta gogorarazi du independentismoak Parlamentuan gehiengoa ez zuen garaietan talde independentistek marko demokratikoa errespetatzen zutela.
Ciudadanosek aurkeztutako eta Parlamentuak atzera botatako zentsura mozioa ere aipatu du Torrak: "Ez zen nahikoa, eta zigorra nahierara ezartzeko beti prest duten politizatutako erakunde politiko hori erabili behar zuten: Hauteskunde Batzordea".
"Ganbera honi baino ez diot onartzen eman zidan konfiantza kentzeko gaitasuna", bukatu du.
Independentisten babesa
Agerraldia amaitzean, Kataluniako Parlamentuko Mahaian ordubete baino gehiago eztabaidatu ostean, talde independentistek gehiengoa baliatu dute eztabaida horren harira ebazpen-proposamenak aurrera ateratzeko.
Hiru indar independentisten eta komunen 74 botoekin, Kataluniako Parlamentuak "Hauteskunde Batzorde Zentralaren ebazpena errefusatzea" erabaki du, eta, JxCat, ERC eta CUPeko 67 diputatuen babesarekin -Catalunya en Comu Podem abstenitu egin da, PSCk eta PPCk kontra bozkatu dute- Parlamentuak diputatu eta presidente gisa "berretsi" du Torra. Ciudadanosek ez du inongo bozketetan parte hartu.
Onartutako testuak, gainera, "Estatu kolpe" gisa definitu du Torra "inhabilitatzeko egindako saiakera, katalanen borondate politikoa urratuz".
ERCko bozeramaile Marta Vilaltak babesa adierazi dio presidenteari, eta ohartarazi du ez dagoela "zatiketarik" Governeko kideen artean "errepresioaren" aurrean.
"Torra presidentea, talde berekoak gara", esan du.
Carles Riera CUPeko diputatuarentzat, Torra presidente bezala berrestea "eskubideak" ukatzen dituen "Estatu baten aparatuen" aurreko "desobedientzia" da, eta "etengabeko mobilizazio zibila" deitu du.
Elkarretaratzea Parlamentuaren aurrean
Ehunka manifestari Parlamentuaren aurrean bildu dira, Kataluniako Asanblada Nazionalak (ANC) deituta. Kataluniako Udalen Federazioak, Kataluniako Udalen eta Eskualdeen Elkarteak eta Independentziaren aldeko Udalen Elkarteak eta Errepublikaren Defentsa Batzordeek (CDR) bat egin dute.
Manifestari talde batek Parlamentua inguratzen duen hesia irekitzea lortu du. Kateez itxita eta Mossoek zainduta zegoen.
Elkarretaratzea Parlamentuaren aurrean. Argazkia: EFE
Zure interesekoa izan daiteke
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.