XIV. legegintzaldiari ofizialki eman diote hasiera Kongresuan
Diputatuen Kongresuan, Madrilen, gaur abiatu dute ofizialki XIV. legegintzaldia. Ohikoa den moduan, Espainiako erregeak zuzendu du saioa. Lehen aldiz ikusi ditugu PSOEren eta Unidas Podemosen ministroak Kongresuko jarleku urdinean. Horrez gain, ERC, JxCat, EH Bildu, CUP eta BNG alderdietako diputatuak ez dira ekitaldira joan, saioa Felipe VI. zuzendu behar zuela-eta protesta egiteko. Are, ordubete lehenago, agerraldia egin dute monarkiaren inguruko adierazpen bateratu bat irakurtzeko.
Felipe VI.ak bere hitzaldian nabarmen duenez, "Espainia ezin da batzuen eta besteen arteko borroka bat izan; Espainia denona eta denontzat da". Horren ildoan, diputatuei "Espainiaren interes orokorraren alde" egiteko eskatu die.
"Horrela nahi izan du Espainiako gizarteak azken 40 urteotan, eta hala nahi du aurrerantzean ere; hori da merezi duena", esan du Estatuko buruak. Felipe VI.ak Espainiako Konstituzioa aldarrikatu du "oinarri sendo" gisa. Erregearen ustez, "Espainia sentitzeko eta ulertzeko modu guztien elkargune izan da, biltzeko borondatea du eta Espainiaren lurralde aniztasun eta dibertsitatearekiko errespetua du".
Unidas Podemosen diputatu gehienek eta EAJkoek ez dute txalorik egin erregea Kongresura sartu denean, bai ordea, koalizio moreko ministroek.
Bere aldetik, Kongresuko presidente Meritxell Batetek esan die Gorteetako taldeei eta ordezkariei "euren gain duten betebeharrak eskatutakoaren mailan egon daitezela", eta "bestea errespetatu eta entzun dezatela": "Parlamentuan ez dago etsairik", ziurtatu du.
Bere hitzaldian, Batetek berretsi du beharrezkoa dela ordezkatuta dauden alderdiek elkar ulertzea, "komuneko helburuak lortze aldera", eta “"euren arteko aldeak bilatuz gal ez daitezen". Horregatik, eskatu die "hauteskunde-lehiatik eta alderdien arteko lehiatik haratago joateko", herrialdeko "oinarrizko erronkei heltzeko".
Eguneko bitxikeria, beste behin, Voxeko diputatuen aldetik iritsi da; izan ere, banku urdinaren gainean dagoen lehen ilaran eseri dira, hau da, PSOEko eta orain Unidas Podemoseko diputatuek erabiltzen dituzten aulkietan. Azkenean, Voxeko bozeramaile Ivan Espinosa de los Monterosek eskatu die alderdikideei beharrezko tokian esertzeko.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.