"Lehengo ziurtasunak eta batzuek kudeaketarako duten ahalmena agerian geratu dira"
Arnaldo Otegi EH Bilduko koordinatzaileak esan du osasun krisiak zalantzak sortu dituena lehengo ziurtasunen eta alderdi batzuek egoera kudeatzeko duten ahalmenaren inguruan. Horri lotuta, eta etorkizunari begira, herritarrek bi aukera dituztela azpimarratu du: “Etorkizunera begiratzen duena, eta iraganera begiratzen duena”.
Otegik adierazi duenez, koronabirusaren pandemiak ez du krisia eragin, “lehendik zeuden krisi egoera areagotu du”. Ezker abertzaleko liderrarentzat, gertatutakoak “lehengo ziurtasunak eta batzuek egoera kudeatzeko duten ahalmena agerian utzi du”.
Hemendik aurrera, “gastu gehiago eta diru-sarrera gutxiago” egongo direla ohartarazi du eta, horri aurre egiteko, “bi aukera, bi alternatiba” daudela era jendeak horien artean hautatu beharko duela.
Horregatik, Otegirentzat garrantzitsua da herritarrei “segurtasuna” ematea, etxebizitza, lana, osasuna, hezkuntza eta elikagai-subiranotasuna bezalako eskubideak bermatzea.
Otegik EH Bilduko Batzar Nagusian egin ditu adierazpenok modu telematikoan egin dute, osasun krisiagatik. Bertan, uztailaren 12ko hauteskundeetarako hautagaitzak berretsi dituzte, % 91,9ko babesarekin. Gipuzkoan Maddalen Iriarte izango da hautagai eta lehendakarigaia, Bizkaian Jasone Agirre eta Araban Mikel Otero.
Zerrendak
Onartutako zerrendak otsailaren 28ko batzarrean apirilaren 5eko hauteskundeetarako onartutako ia berdinak dira, baina hauteskunde horiek koronabirusaren ondorioz atzeratu behar izan zituzten.
Hala ere, aldaketa txiki batzuk izan dira. Gipuzkoan, Mirene Begiristainek bere hautagaitzari uko egin dio eta bere ordez, 10. Postuan, Gari Mujika EH Bilduko zuzendari orokorra sartu da.
Araban, berriz, Andoni Perez Cuadrado zerrendako azkenaren heriotzaren ondorioz, Xabier Perez Suarez haren semea sartu dute.
Zure interesekoa izan daiteke
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.