Atzera eginda, Unidas Podemosek Kongresuan GAL ikertzea babestuko duela iragarri du
Unidas Podemosek atzera egin du eta Kongresuan GAL taldeari buruzko ikerketa batzorde bat eratzea babestuko duela iragarri du ostiral arratsaldean.
Felipe Gonzalez Espainiako Gobernuko presidente ohiak GAL taldearekin izan zuen lotura argitzeko Kongresuan batzorde bat osatzeko eskaria erregistratu dute aste honetan EH Bilduk, EAJk, ERCk, JxCatek, CUPek eta BNGk.
Atzo, Pablo Echenique Unidas Podemoseko Kongresuko bozeramaileak esan zuen ez zuela ikerketa hori abiatzeko beharrik ikusten, "garai ilun hartan zer gertatu zen mundu guztiak badakielako".
Adierazpen horrek hautsak harrotu zituen eta koalizioaren baitan jarrera ezberdinak daudela azaleratu zuen; izan ere, Elkarrekin Podemosek agiria kaleratu zuen ikerketa batzordearen beharrizana azpimarratuz, "Felipe Gonzalezek GALen izan zuen papera zein izan zen behingoz argitzeko" eta talde horren biktimei "egia, justizia eta erreparazioa" zor zaielako.
Gaur goizean Euskadi Irratiko Faktoria saioan egindako elkarrizketan, Pili Zabala Elkarrekin Podemoseko lehendakarigai izandakoak eta GALek bahitu, torturatu eta hil zuen Joxi Zabalaren arrebak publikoki adierazi du bere haserrea eta ikerketa batzordea sortzeko ekimena babestu ez duela aurpegiratzeko Pablo Iglesiasi deitu diola jakinarazi du.
Testuinguru honetan, Echeniquek mezu bat argitaratu du Unidas Podemosek Kongresuan GAL ikertzea babestuko duela iragarriz. Hori bai, ekimen horren atzean interes alderdikoiak daudela adierazi du, EAEko Legebiltzarrerako hauteskundeen bezperatan aurkeztu delako.
Halaber, berretsi egin du Ameriketako Estatu Batuetako inteligentzia agentziak (CIA) 80eko hamarkadan egin zuen ikerketari buruzko txostenak "ezer berririk" erakusten ez dutela. GAL taldea sortzeko agindua Felipe Gonzalezek eman zuela dio CIAk.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.