Lan-erreformaren harira egindako bigarren bozketa ez dute baliorik gabe utziko
Kongresuan eratutako Berreraikuntza Batzordeko Mahaiak atzera bota du gaur egun indarrean dagoen lan-erreforma indargabetzeari buruzko zuzenketaren bigarren bozketa baliogabetzeko EH Bilduk egindako eskaera, ostiral honetan berriro bozkatzeko aukera dutela arrazoituta. PSOEk atzera egin zuen atzo Kongresuan, eta bozketa errepikatzea lortu ostean, 2012ko neurria indargabetzearen kontra bozkatu zuen.
Patxi Lopez organo horretako presidenteak ostiraleko bilkuraren hasieran eman dituen azalpenen arabera (Berreraikuntza Batzordeak gaur amaitzen ditu bere lanak), Behe Ganberako abokatuek gai horri buruz egin duten txostena oinarri hartuta, lau lantaldeetako batean hartutako erabakia denez "talde horrek bakarrik baliogabetu ahalko luke bozketa", baina ezin du, deseginda dagoelako jada.
Horrela erantzun dio PSOEko zuzendaritza exekutiboko kideak Mertxe Aizpurua EH Bilduk Kongresuan duen bozeramaileari. Aizpuruak bigarren bozketa bertan behera uzteko eskatu du berriro, eta Mahaiaren erabakiaren berri izan ostean, bere "desadostasuna" adierazi du, EH Bilduren zuzenketak bloke ekonomikoaren oinarrizko testuan egon beharko lukeela iritzita.
Zehazki, EH Bilduk idatzi bat aurkeztu zuen atzo Berreraikuntza Batzordeko Mahaian, PPren lan-erreforma indargabetzeko bere zuzenketaren bigarren bozketa bertan behera uztea eskatzeko; izan ere, PSOEk lehen bozketan emandako aldeko botoa "zuzendu" egin zuen ondoren, eta testua onartzea saihestu zuen horrela. Bigarren bozketa PSOEk berak eskatu zuen, lehen bozketako botoa "akatsa" izan zela eta, beraz, baliogabea zela argudiatuta.
EH Bildurentzat, lehenengoa da balio duen bozketa bakarra, lan-erreforma indargabetzea aldeko 177 botorekin, kontrako 107rekin eta 8 abstentziorekin onartu baitzen.
PSOEk lan-erreforma osorik indargabetzea adostu zuen EH Bildurekin eta Unidas Podemosekin
PSOEk akordioa lortu zuen EH Bildurekin eta Unidas Podemosekin PPren lan-erreforma osorik indargabetzeko. Akordio horri esker, EH Bildu abstenitu egin zen alarma-egoera luzatzeko bozketan.
Itun horretan oinarrituta, toki-, foru- eta autonomia-erakundeek gastu-ahalmen handiagoa izango lukete krisiaren ondorio sozialak arintzeko politika publikoetan. PSOEk eta Unidas Podemosek konpromisoa hartu zuten toki-erakundeen gizarte-politiketako gastuak gastu-arauaren zenbaketatik salbuesteko, eta EAEren eta Nafarroaren zorpetze-ahalmena beren finantza-egoeren arabera soilik ezartzeko.
Horren truke, EH Bilduk Kongresuan dituen bost diputatuak abstenitu egin ziren, alarma-egoeraren bosgarren luzapena onartzea ez oztopatzeko.
Akordioak zalaparta sortu zuen eskuineko alderdien artean eta CEOE patronalean.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.