Osasun publikoan eta Hezkuntzan Jaurlaritzak hartutako konpromisoak
Langile gehiago kontratatuta osasun publikoa indartzea; horixe da EAJk eta PSE-EEk koalizioan osatutako gobernu berriak hartu duen konpromisoetako bat. Horretarako, Osakidetzan 4.000 lanpostuko lan eskaintza publikoa egiteko asmoa dute.
Akordioaren bigarren atalean jaso dute baita, osasuna, zerbitzu publikoak eta gizarte politikoak bermatzeko konpromisoa.
Koronabirusa dela eta sortu den krisiaren harira, akordioaren lehen helburua da osasun sistema publikoa indartzea. Horretarako, langile gehiago kontratatzeaz gain, lehen mailako arreta zerbitzua indartu nahi dute, eta ospitaleak zein osasun-ekipamenduak berritu nahi dituzte.
Hezkuntzan ere izango da aldaketarik. Hasteko, xedetzat dute Euskal Hezkuntza Legea onartzeko akordioa sustatzea, Eskola Publikoari eta haren sistema laikoari lehentasuna emanda. Halaber, apustua egingo dute ikasketa maila guztietan ikasle denek aukera berdinak izan ditzaten.
Osasun arloan bezala, helburuetako bat izango da irakasleen lanpostuak egonkortzea, aldi baterako kontratuak murriztuta.
Horrez gain, hezkuntza eleaniztun baten alde egingo dute, euskara ardatz izanda, baina ingelesari bultzada emanda. Hori lortzeko, laugarren mailatik aurrera, gutxienez irakasgai bat ingelesez emango dute hezkuntza publikoko ikasleek.
Bestalde, 0 eta 2 urte bitarteko haurren eskolatzean aurrerapausoak eman nahi dituzte. Hain zuzen ere, 2 urteko umeen % 100 eskolara joatea lortu nahi dute.
Lanbide Heziketan ere badute erronka: 5.000 euskal enpresa sistema dualera batzea.
Bukatzeko, unibertsitateetara baliabide publiko gehiago bideratuko dituztela hitzeman dute, horien kalitatea hobetze aldera. Modu horretan, nazioarteko aipamena duten 40 titulu nahi dituzte, eta irakasleen herena nazioartean irakasteko gai izatea.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.