Gasteizko akordioa "aurrekari positiboa" da aurrekontuetarako, Erkorekaren ustez
Josu Erkoreka Eusko Jaurlaritzako lehen lehendakariorde eta Segurtasun sailburuaren ustez, Elkarrekin Podemosek Gasteizko Udaleko aurrekontuak babesteko akordioa lortu izana "aurrekari positiboa" da EAEko kontuak negoziatzeko orduan. "Espero dugu akordioak lortzeko eta lankidetzarako jarrera ireki baten erakuslea izatea, aurrekari positiboa da", azaldu du. Hala, Miren Gorrrotxategi buru duen taldearekin itun lortzeko "aukera" egon badagoela iritzi dio.
Aurrekontuen negoziazioaren gaiaz harago, Segurtasun Saileko kontuak izan ditu hizpide Erkorekak Radio Euskadin egin dioten elkarrizketan. Arrigunagako hondartzan topatutako gorpuzkien harira, Segurtasun sailburuak argitu du ikerketa bi bidetik ari direla garatzen. Batetik, gorpua zatikatzearen ingurukoak, eta bestetik, gorpuzkien DNAk Euskadin desagertutako pertsonen erregistroko datuekin bat egiten ote duen. Beste ikerketa ildo bat gorpuzkiak ibaian edo itsasoan bota zituzten zehaztea da: "itsasaldiak eta korronteak aztertu behar ditugu non bota zuten jakiteko".
Aintzane Pujanaren hilketaz galdetuta, Erkorekak azaldu du atxilotutako bikotea gaur igaroko dela epailearen aurrera. Antza biak errenteriarrak dira baina "azarotik Aizarnazabalgo nekazal turismoko etxean bizi ziren". Sailburuaren esanetan, "etxe horretan egin zuten legez kanpoko jaiak ez du zerikusirik hilketarekin".
Donostian, Urumeara autorekin jausita hil zen ertzainaren auziaz, sailburuak jakinarazi du onik atera zen agentea "gaur hasi behar zen lanera", eta zerbitzu publikoarekin duen "konpromisoa" txalotu du. "Auzitegiko medikuaren txostenak zehaztuko du heriotzaren zergatia, eta argituko du zelan gertatu zen ezbeharra edo zerk eragin zuen heriotza", erantsi du. Azpimarratu duenez, onik atera zen agentearen testigantzek, kameretako irudiek edota leihatilara egindako tiroek egin dute argibiderik eskaini.
Koronabirusa hizpide hartuta, Erkorekak esan du "txertaketa kanpaina aurreikusitakoaren arabera" garatzen ari dela, "hau da planifikatuta genuen estrategia", argitu du. Osasun Ministerioak emandako datuei, bestalde, garrantzia kendu die —EAE gutxien txertatzen duen erkidegoen artean dago— eta azaldu du prozesua "luzea" dela eta garrantzitsuena "planifikatutakoarekin kontsekuentea" izatea dela.
Terrazetan erretzea debekatzearen harira, Erkorekak argitu du EAEko zerbitzu juridikoek ez dutela aholkatzen: "EAEko auzitegiak bereziki murriztaileak dira".
Azkenik, Joaquin Beltran Zaldibarko zabortegiko hondakinen artean jarraitzen duela eta, bila jarraitzen dutela nabarmendu du. "Lehentasunezko bi eremutan bilatzen ia-ia amaitu dugu. Hirugarren gune batean laster hasiko gara bilatzen. Inork ez daki zeintzuk izan ziren bere azken mugimenduak", deitoratu du.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.