Aragonesen inbestidurak porrot egin du berriro, JxCaten abstentzioa dela eta
Pere Aragones ERCren Generalitaterako presidentegaiak ez du inbestidura lortzeko nahikoa babes eskuratu gaurko bozketan ere, eta bere alderdiaren eta CUPen 42 botoekin gehiengo osotik (68) urrun geratu da, JxCatek berriro abstenitzea erabaki baitu.
Aurreko ostiralean inbestiduraren lehenengo saioak huts egin ostean, gaur bigarren bozketa egin dute: ERCren eta CUPen 42 baiezko botoen aurka, PSCk, Voxek, En Comu Podemek, Ciudadanosek eta PPCk ezezko 61 boto eman dituzte, eta JxCateko 32 ordezkariak abstenitu egin dira.
Orain, Laura Borras Parlamenteko presidenteak beste bilera sorta bat egingo du ganberako buruzagi politikoekin inbestidurarako beste hautagai bat proposatu aurretik. Aragonesek bere burua aurkeztuko du berriro, JxCatekoak bere alde mobilizatzea espero baitu.
Ostiraleko porrotarekin, bi hilabeteko epea jarri zen abian presidente berria aukeratzeko, eta tarte horretan ERCk eta JxCatek negoziazioak bizkortu beharko dituzte, inbestidurarik ezean, maiatzaren 26an hauteskundeak automatikoki deituko dituztelako uztailerako.
Bost ordu eskasean egindako gaurko saioa Aragonesen hitzaldiarekin hasi da, eta JxCati eta Carles Puigdemont presidente ohiari ohartarazi die inbestidura lortuz gero, "tutoretzarik gabe" aginduko duela.
Aragonesek onartzen omen du independentismoaren "eremu guztiak aitortzea", bai Katalunian bai "erbestean", tartean Puigdemont buru duen Errepublikaren aldeko Kontseilua. Baina "Kataluniako erakundeen, Parlamentaren, Gobernuaren eta presidentearen, buruzagitzari balioa ematea" eskatu du.
Azpimarratu duenez, erakunde horiek "ordezkatu ezin den ardura" dute, eta hitz horiekin aldendu egin da Errepublikaren aldeko Kontseilutik eta Quim Torra presidente ohiak hasieran izan zuen jarreratik, Puigdmont aitortu baitzuen "presidente zilegi" gisa.
Aragonesen arabera, "ez dago nahikoa arrazoirik" JxCatek inbestidura ukatzen jarraitzeko. Horregatik, blokeoa ez dadila "mugagabea" izan exijitu dio.
Albert Batet JxCaten taldearen bozeramailea ezin izan da bertaratu, positibo batekin egoteagatik konfinatuta baitago, eta Gemma Geis diputatua izan da Aragonesi erantzun diona.
Geisek adierazi du JxCatek edo "erbesteak" ez diola Aragonesi "tutoretza" ezarriko presidente bada, eta akordiorako "prestutasuna" agertu du, Sergi Sabria ERCko diputatuak "aukera galdu" izana "larria" dela egotzi dion bitartean.
Bestalde, Salvador Illa PSCren Parlamenteko buruak aurreikusi du Aragones "Errepublikaren aldeko Kontseiluaren agindupean" egongo dela presidente hautatuz gero, eta gaineratu du "umiliazio baten biktima" izango dela, "Kataluniak Gobernu sendoa eta egonkorra" behar duenean.
Ignacio Garriga Voxen talde parlamentarioko presidenteak "Katalunia erreakzio nazionalaren buru" izatearen alde egin du, "eldarnio ideologikoen eta agenda apurtzailearen aurkako oposizio baten bidez".
Eulalia Reguant CUPek Parlamentuan duen bozeramaileak ERCri eta JxCati ohartarazi die euren esku dagoela legealdia ez dadila izan "jendeak Kataluniako Gobernuaren aurka egindako erasoa".
Jessica Albiach En Comu Podemek Kataluniako Parlamentuan duen buruak deitoratu duenez, "alderdiaren logikak jendearen beharrei gailentzen zaizkie", eta Junts eta ERC ez dira krisi sozial, ekonomiko eta sanitarioan tematzen, "boterearen" aldeko borroka alderdikoian baizik.
Carlos Carrizosa Ciudadanosen ordezkariak ohartarazi du JxCaten eta CUPen botoekin inbestitzen badute, "muturreko eskalada baten bahitua" izango dela Aragones.
Alejandro Fernandez PPCko presidenteak kritikatu egin du ERC eta Junts Errepublikaren aldeko Kontseiluaren inguruan eztabaidatzen ari direla, eta Puigdemontekin "zilbor-hestea hausteko garaia" dela esan die.
Zure interesekoa izan daiteke
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.