Mendiak ez du baztertzen maiatzaren 9tik aurrera EAEn soilik ezartzea alarma-egoera
Euskal Autonomia Erkidegoa (EAE) da estatuan intzidentzia metatu handiena duen erkidegoa. Arrazoien inguruan galdetuta, herritarren gainean jarri du erantzukizuna Idoia Mendia Eusko Jaurlaritzako bigarren lehendakariorde eta PSE-EEko idazkari nagusiak. Haren esanetan, "segur aski" herritarrak ez dira "behar bezala betetzen ari" oinarrizko osasun neurriak: higienea, distantzia edota mugikortasun eza.
Ildo horretan, maiatzaren 9an alarma-egoera altxatuko ote den galdetuta, Espainiako Gobernuak eta autonomia erkidegoek hitz egiten jarraitu behar dutela uste du Mendiak.
Radio Euskadiko "Boulevard" saioan egin dioten elkarrizketan azpimarratu duenez, egoera ez da berdina autonomia erkidego guztietan. Hori dela eta, nahieran egindako alarma-egoera bat aplikatu daitekeela iradoki du, batzuei soilik eragingo liekena. "Alarma-egoera autonomia erkidego batzuentzat bakarrik izan liteke", nabarmendu du.
Gainera, futbol zelaietan ikusleak sartzea oso erabaki ausarta litzatekeela aipatu du. "Hobe da zuhurrak izatea eta kutsatzeak murrizteko bidea sendotzea", gehitu du.
Transferentziak
Transferentzian inguruan ere hitz egin du. Haren hitzetan, "bizitzeko gutxieneko diru-sarrera lehenbailehen integratu behar da", baina eskualdatzea "ongi" egin behar dela argi utzita.
Espetxe eskumenaren harira egindako kritikak asmo txarrekoak direla iritzi dio, eta ez epaileak eta ezta fiskalak ere Eusko Jaurlaritzaren parte ez direla gogoratu du.
Madrilgo hauteskundeak
Madrilen maiatzaren 4ko hauteskundeetan hautagai izango direnetako batzuk jasotako bala gutunak ere ahotan hartu ditu. "Euskaditik ikusita, jazarpen politikoa, desberdin pentsatzen duena seinalatzea eta hiltzea bizi izan dugunean, ileak puntan jartzen zaizkit".
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.