ERCk, JxCatek eta CUPek gutxieneko itun bat egin dute negoziazioa berrabiarazteko
ERCk, JxCatek eta CUPek gutxieneko akordio bat egin dute azken orduotan etenda zegoen negoziazioa berrabiarazteko, izan ere, hauteskunde errepikapenaren mehatxua hor dago Pere Aragonesek maiatzaren 26a baino lehenago inbestidura lortzen ez badu.
Parlamentuan egindako bi orduko bileraren ostean (negoziatzaileetako batzuk telematikoki sartu dira), hiru alderdiek adierazpen bateratu bat kaleratu dute "Autodeterminazioaren aldeko Akordio Nazional handia" eta "gobernagarritasunetik harago estrategia independentistaz eztabaidatzeko eremu bat" sustatuko dutela jakinarazteko.
Estrategia independentistaren inguruko eztabaida Gobernuaren osaketatik bereizteko nahia izan da akordioa galarazi duen puntuetako bat, izan ere, JxCatek bi gauzak lotzea eskatzen baitzion orain arte ERCri.
Adierazpena anbiguoa da puntu horretan, baina argi adierazten du independentismoaren estrategia bateratua ez dela gobernurako negoziazioarekin nahasi behar.
Harremanak oso ukituta geratu ziren aurreko larunbatean, Pere Aragones ERCren hautagaiak iragarri baitzuen ez zuela koalizio gobernua negoziatzen jarraituko JxCatekin, negoziazioa atzeratzea leporatuta, eta aurrerantzean bakarrik gobernatzea bilatuko zuela.
Lau "gutxieneko puntu"
"Autodeterminazioaren aldeko Akordio Nazioanalerako Konpromisoa" izeneko adierazpenean azpimarratu dutenez, otsailaren 14ko emaitzek "askatasun nazionalerako ziklo berria irekitzeko aukera ematen diote independentismoari".
Negoziatzaileek lau "gutxieneko puntu" adostu dituzte CUPek mahai gainean jarritako proposamenean oinarrituta.
Lehenengo puntuan "krisi sozial eta ekonomikoari erantzutea" hitzeman dute; eta bigarrenean, "Estatuaren markoan sartzen ez diren eta gizarte kataluniarraren babes zabala duten oinarrizko eskubideak defendatzeko hesi bat eraikitzea".
Hirugarrenik, erreferendumaren aldeko "gehiengo soziala barne hartzen duen eta alderdi politikoetatik harago doan Autodeterminazioaren aldeko Akordio Nazional handia" prestatzeko lantaldearen batzarra deitzeko konpromisoa hartu dute.
Azkenik, "estrategia independentistaren eztabaidarako gobernagarritasunaren markotik ateratzen den eremu bat" sortzea adostu dute.
Azken puntu horrek CUPen zirriborroko laugarren puntua aldatzen du, eta anbiguetatea ematen dio.
Alderdi horietako iturriak aipatuta Efe albiste-agentziak jakinarazi duenez, bilera ona izan da aurrera egiteko, baina goizegi da jakiteko ERCk eta JxCatek ituna egingo duten inbestidura saioari begira.
Zure interesekoa izan daiteke
EAJrentzat "ulertezina" da Sanchezek ez betetzea Estatutua osatzeko akordioa
Estebanek esan zuen sinatutakoa ez betetzea "larria eta inbestidura akordioa urratzea" izango litzatekeela.
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".