ANCk, ERCri eta JxCati: "Hauteskundeak badaude, ez gara berriz zuen ondoan izango"
Elisenda Paluziek, Kataluniako Asanblada Nazionako (ANC) kideak, azaldu du hauteskundeak errepikatzen badira eta ERC eta JxCat alderdiek independentziaren aldeko bidean aurrerapausorik egiten ez badute ez direla "berriz" haien "ondoan izango".
Asanbladak kontzentrazioa deitu du gaur Bartzelonako Sant Jaume plazan, Palau de la Generalitaten parean, ERC eta JxCat alderdiei Govern independentistaren aldeko paktua sinatzeko eskatzeko. Pauso hori maiatzaren 26a baino lehenago eman ezean, hauteskunde berriak deituko dituzte. "Bozketara bagaramatzazue edota independentziaren aldeko planik ez duen Governa errepikatzen baduzue", ANC "ez da berriz zuen ondoan izango", jakinarazi du Paluziek. Gainera, ERC eta JxCat alderdiei esan die gaurkoa izango dela Asanbladak akordiora heltzeko eskainiko duen "azken aukera".
"Azken aukera bat duzue 14F-ko gehiengo indartua alferrik ez galtzeko", "azken aukera bat" Governak dituen "eskuduntza eskasak" kudeatzeko eta Generalitatean "independentziaren alde" lan egiteko, azpimarratu du Paluziek.
ANCren ordezkariak ERCri eta JxCATi aurpegiratu die "irabazteko beharrezkoa zen guztia" izanda ere, alderdi bien arteko ika-mikak tarteko, independentistak "inoiz baino banatuago eta desengainatuago" egotea.
Paluzieren esanetan, "borroka elektoralak" tarteko eta "botere autonomikoen gosea" asetzeagatik, "lortutako guztia xahutzeko" gai dira ERC eta JxCat.
"ANCk pazientzia amaiezina izan du, bilera guztietara joan da eta denbora alferrik galdu du, hitzartutako erreferendumez eta inoiz iritsiko ez diren amnistiez hitz egiten entzuten", zaldu du Asanbladaren ordezkariak.
Ekitaldia bukatuta, Sant Jaume plazako manifestariek "batasunaren" aldeko aldarria egin dute, ERC eta JxCat alderdiei "nahikoa dela" esanez.
Zure interesekoa izan daiteke
PSOEko bi kargudunek ukatu egin dute Ayusoren bikotekideari buruzko mezuak Fiskaltzatik jaso izana
Fiskal Nagusiaren aurkako epaiketaren hirugarren eguna Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan zuen, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.
Kamerek Javier Arenas Senatuko bere eserlekuan zigarro elektronikoa erretzen harrapatu dute, baina berak ukatu egin du
Senatuko kontrol saioan gertatu da, Enrique Ruiz Escudero PPren senatariak Monica Garcia ministroari galdera bat egin dionean. Monica Garcia erantzuten ari zela, Javier Arenasek zigarro elektronikoa atera du poltsikotik, eta "erre" egin du. Ondoan zuen alderdikideak ohartarazi du kameraren planoan agertzen zela.
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzaren egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburua Gasteizen izan da, eta, esan duenez, kezka berezia sortzen diote 2025eko lehen hiruhilekoan homizidioek eta indarkeria matxistako kasu-kopuruak izan duen igoerak. "Aurten, 11 homizidio izan ditugu. Aspaldian ez dugu horrenbeste homizidio izan", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.