PPk Miguel Angel Blanco omendu du, bere hilketaren 24. urteurrenean
Migel Angel Blanco Ermuko (Bizkaia) PPko zinegotziaren hilketa oroitzeko ekitaldia egiten dute urtero Arabako popularrek. Uztailaren 12an egin ohi dute omenaldia, eta, oraingoan, Laura Garrido Euskadiko PPko idazkari nagusiak zuzendu du ekitaldia; 24 urte dira ETAk Blanco hil zuenetik.
Ekitaldia 11:30ean hasi da, terrorismoaren biktimak gogoan izateko Gasteizko monumentuaren ondoan. Minutu bateko isilunea egin dute, eta, ondoren, Garridok gogoratu du Blanco "Belaunaldi Berrietako gazte bat" izan zela, "gutako asko bezala", eta aurrerapausoa ematea erabaki zuela, hau da: "Ermuan PPko zinegotzi izatea eta herritarrak ordezkatzea".
Popularren idazkari nagusiak akordura ekarri ditu "egun izugarri horietako mina, 48 ordu horietan kamera geldoko hilketa iragarri izanaren etsipena, elkarretaratzeak eta mobilizazioak Ermuan ez ezik, Euskal Herrian eta Espainia osoan ere".
PPko buruzagiaren arabera, egun haiek "terrorismoaren aurkako borrokan inflexio puntu bat eragin zuten. 'Ermuko Espiritua' delakoa sortu zen; benetako herri-iraultza bat, kontzientziak astindu zituena eta terrorismoari bere zilegitasun osoa kentzeko balio izan zuena, baina ez bakarrik terroristei, baizik eta baita haien konplize eta terrorismoa goratzen eta babesten zutenei ere".
Horren harira, Garridok azpimarratu du "zalantzarik gabe, elkarbizitzaren borroka" gainditu beharra dagoela, "Euskadiko gazte bat ere mehatxa, jo edo kolpa ez dezaten, nazionalista ez izate hutsagatik".
Era berean, "Miguel Angel Blancoren irudiaren ondarea" goraipatu du, eta gogoratu du "egiaren kontakizuna, egiazkoa, kontuan izan behar" dagoela uneoro, "edozein gaztek, egun horiek bizi izan ez arren, jakin dezan zer suposatu zuten egun horiek euskal gizartearentzat eta Espainiako gizartearentzat. Eta egiaren kontakizun horretan letra larriz ager daitezela memoria, duintasuna eta justizia terrorismoaren biktima guztiekiko".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.