Sagardui: "Egoerak hobera egin dezake gaur, baina gorako joerarekin jarraitzen dugu"
Gotzone Sagardui Eusko Jaurlaritzaren Osasun sailburuak adierazi du, osteguneko (uztailak 22) covid-19aren datuak ikusita, "egoerak hobera egin" dezakeela gaur. Hala ere, argitu du pandemiaren bilakaerak gorako joera duela eta ez garela atzoko datuetatik "urruti egongo".
Sagarduik Radio Euskadiko "Boulevard Informativo"n azaldu duenez, jendeak arduraz jokatzea oso garrantzitsua da. Izan ere, txertaketak pandemiaren hedapena eteten lagunduko duen arren, "guk geuk esfortzua egiten jarraitu beharko dugu, nekatuta egonagatik ere". Ildo beretik, segurtasun distantzia mantentzea eta maskara erabiltzea oraindik ezinbestekoa dela gogorarazi du sailburuak: "Musukoa erabiltzen jarraitu behar dugu, babesa bermatzeko".
Uztailaren 24an indarrean jarriko den dekretuaz ere aritu da Sagardui, orain arteko Sanchezen diskurtso "anbiguoa" argitzeko balioko duela esanez. Sailburuaren aburuz, orain arte espainiar Gobernuak emandako mezuak ez dira argiak izan, jendeak kalean maskara erabiltzea beharrezkoa ez dela ulertu baitu.
Dekretuak ekar ditzakeen isunez galdetuta, Sagarduik ez du adierazpenik egin nahi izan. "Osasun sailburu moduan, osasuna bermatzea da nire helburua", azaldu du.
Azkenik, etxeratze aginduari buruz aritu da Jaurlaritzaren ordezkaria. "Lehendakariak ez du neurri judizialik hartu nahi eta mahai gainean dauden aukera guztiak izango ditu kontuan. Beharrezkoa izatekotan, gaueko mugikortasuna mugatuko da, jakin badakigulako neurri eraginkorra dela", esan du Sagarduik. Hala, gizarteari egindako deia "datorren astean egoera hobean egoteko" nahikoa izatea espero duela berretsi du.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.