EAJk "euskal erresistentziaren ardatz" gisa gogoratu ditu Joseba Rezola eta Aurora Lopez de Goikoetxea
Joseba Egibar EAJko Euskadi Buru Batzarreko presidenteak Joseba Rezola Arratibel erbestean Eusko Jaurlaritzako lehendakariorde izandakoa eta bere emazte Aurora Lopez de Goikoetxea gogoratu ditu "euskal erresistentziaren ardatz" gisa, jeltzaleek Rezolaren heriotzaren 50. urteurrenean egindako omenaldiaren testuiguruan.
Igande honetan Ordiziako hilerrian egindako lore eskaintzaren ostean bota ditu Egibarrek adierazpenok. EAJko bozeramaile parlamentarioaz gain, Andoni Ortuzar Euskadi Buru Batzarreko presidentea eta alderdi jeltzaleko beste zenbait kide ere bertan izan dira, Ordiziako EAJko ordezkaritzarekin batera.
Kazetarien aurrean egindako adierazpenetan, GBBko buruak gogorarazi du Rezola eta Lopez de Goikoetxearen gorpuzkiak Ordiziako hilerrira eraman zituztela 1984an, bertakoa baitzen erbestean Eusko Jaurlaritzako lehendakari izandakoa.
Ildo beretik, adierazi du "bikote bereizezina" zirela, "elkarren osagarri" zirela eta "askoz indartsuagoak" zirela elkarrekin, "euskal erresistentziaren ardatz" gisa. Bere aburuz, "bien biografietatik atera ditzakegun irakaspenei jaramon izan bagenie, batzuek ez zuketen zenbait estrategia abiatuko, pentsatuz mundua haiekin abiatzen zela".
Egibarrek defendatu duenez, "demokratikoki eta iraunkortasunez ere eutsi zitekeen, orotariko salaketekin, baita mundu mailan ere, eta zeure herria zainduz eta zeure pertsonen alde eginez". Nabarmendu du bikotea "herri honekin gorputz eta arima lanean aritu izana" aitortzearen garrantzia.
Era berean, "indibidualismoaren aurrean balio kolektiboen aldarrikapena" azpimarratu du Rezolaren eta Lopez de Goikoetxearen biografietatik atera daitekeen ikasbideetako bat bezala. Adierazi duenez, horrek barne hartzen ditu "elkartasuna, justizia soziala eta garapena; ez politikoa bakarrik, baita ekonomikoa ere, herri hau bere patuaren jabe izan dadin".
Zure interesekoa izan daiteke
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".
50 urte Franco gabe: honelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen, Espainia krisi politiko zein sozial sakon baten erdian zegoenean.
Lehendakaria Parisera joango da Frantziarekin lankidetza instituzionala eta kulturala sendotzera
Bisita ofizialean, azaroaren 18an eta 19an, bilera politiko, akademiko eta kulturalak egingo ditu. Etxepare Institutuaren 15. urteurrena ospatzeko ekitaldiarekin amaituko du bidaia, Frantziako Liburutegi Nazionalean.
Frankismoa garai iluna izan zen euskararentzat, debeku eta jazarpen urteak izan ziren eta
Francok debeku ugari ezarri zituen arren, ikastolak sortu ziren euskarari bultzada emateko, ezkutuan bazen ere. Demokraziarekin batera, oztopoei aurre egin, eta ordura arte debekatutako ekimenak martxan jartzea lortu zuten. 1976ko martxoan eginiko “24 orduak euskaraz” ekimena horietako bat izan zen.
Peinado epaileak artxibatu egin du 'Begoña Gomez kasuan' inputatutako Moncloako goi-kargudunaren kontrako auzia
Judith Gonzalez Espainiako Gobernuko Lehendakaritzako idazkari nagusiaren aurkako inputazioa kentzea erabaki du epaileak, igande honetan deklarazioa hartu ostean.
Frankistek hil zituzten ehun bat biktima omendu dituzte Erreniegan
Igande eguerdian, frankistek hil zituzten ehun bat biktima omendu dituzte Erreniegan. "Egia ezagutzen dugu, baina justiziaren zain gaude oraindik", esan dute biktimen familiek.