EAJk erregearen bortxaezintasuna mugatzeko lege proposamena aurkeztu du
Eusko Alderdi Jeltzaleak erregearen bortxaezintasuna mugatzeko lege proposamena Kongresuan aurkeztuko dutela iragarri du, esparru pribatuaren baitan egiten dituen gauzetan eragina izateko asmoa izan barik. Ekimena gauzatzeko botere judizialeko lege organikoan aldaketa egin beharko litzateke eta, horretan, "PSOEk dauka ahalmen osoa".
Aitor Esteban EAJk Kongresuan duen bozeramalearen esanetan, proposamena azkenaldian ezagututako "eskandaluen" ostean aurkeztuko dute, hau da, Joan Carlos I.ak jasotako ordainketak -Fiskaltzak artxibatu zuen duela gutxi ikerketa- eta, gaineratu duenez, errege etxeak berak "presazko" jo beharko luke ekimena, "panorama zelan goa den ikusita".
Gainera, bozeramale jeltzaleak erantsi duenez, Konstituzioaren gaineko eztabaidetan gai hau "ahalik eta gutxien ukitu" nahi zan da, horregatik, bigarren tituluak dio "erregea bortxaezina" dela, "erantzukizunik ez" duela, eta berak egindako ekintza guztiak Espainiako Gobernuko edo Kongresuko presidenteak "onetsita" izango direla beti, errege etxeko kideen kasuan izan ezik.
EAJren iritzian, formula horri esker ahots askok interpretatu egin dute bortxaezintasuna erregearen edozein ekintzetara zabaltzen dela, baita pribatuetara ere, "ia britainiarra den printzipio" baten ikuspegitik, "erregeak ezin duelakoan ezer gaizki egin", baina hori "hausten hasia dago".
Hori dela eta, erregearen bortxaezintasuna botere judizialaren lege organikoaren interpretazioaren ikuspegitik garatzea proposatu du, erregearen jarduera zehazten duen legerik ez dagoelako.
Hala, proposamenaren asmoa da "bortxaezintasun mugatua" izatea da, "beste pertsona batzuen eskubideak urra dezaketen ekintza pribatuak erregeari lotuta egon ez daitezen".
"Ez dago errepublika ala monarkia moduan planteatuta, baizik eta hemen eutsi ezin zaion egoera bat dagoela", gaineratu du Aitor Estebanek.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.