Zurekin Nafarroa koalizioak Foru Erkidegoan energia enpresa publiko bat sortzea bultzatuko du
Podemos, IU, Batzarre eta independenteek osatutako eta pasa den uztailean ibilbidea hasi zuen Contigo Navarra-Zurekin Nafarroa koalizioak Foru Erkidegoan energia enpresa publiko bat sortzeko ekimen parlamentario bat iragarriz hasi du ikasturte politiko berria. Asmo horren berri eman dute Begoña Alfaro Nafarroako Podemoseko koordinatzaileak eta Carlos Guzman IUNko koordinatzaile nagusiak gaur goizean Iruñean eman duten prentsaurrekoan.
Gobernuaren akordio programatikoan eta Klima Aldaketari buruzko Foru Legean jasotako neurria da, eta "berandu goaz", ohartarazi du Alfarok, eta energiaren ekoizpenetik hasi eta banaketaraino doan prozesua kontrolatzeko egiturazko neurriak hartzea defendatu du.
"Ez dugu kapitalismo berdearekin irentsiko", adierazi du, eta gaineratu du berriztagarrien alde egin behar dela, horiek enpresa publiko horren oinarrian ezarriz, baina baita energia-komunitateen alde ere. Hain zuzen ere, "segurtasun juridikoa, zerga-pizgarriak eta finantza-laguntzak" eskatu ditu haientzat, azken hori Nafarroako Finantza Institutuaren bitartez.
Halaber, iraunkortasunaren eta ingurumenaren aldeko udalen arteko ituna aldarrikatu du, ahalik eta esparru gehienetara iritsiko dena, gizartea kontzientziatu eta energia aurrezteko helburuarekin.
Alfaroren ustez, beharrezkoa da "proposamen deskafeinatuak" gainditzea eta "energia demokratizatzearen" aldeko apustua egitea. Izan ere, bere hitzetan energiaren "prezio neurrigabea da herritarren kezka nagusia", ez bakarrik bere kostuagatik, baita eragin duen inflazioagatik ere.
Zurekin Nafarroaren ustez, ildo horretan jarduteko "premia larria" dago, "oinarrizko ondasun bat esku pribatuetan uztea saihesteko", euren iritziz "Oligopolio energetikoaren hleburua ez baita gizartearen ongizatea, lukurreria baizik".
Datozen egunetan aurkeztuko den energia-enpresa publiko baterako ekimenarekin batera, koalizioak etxebizitzarekin, hezkuntzarekin, gizarte- eta lan-eskubideekin, fiskalitatearekin eta osasun-arretarekin lotutako beste ekimen batzuk planteatuko ditu, batez ere lehen mailako arretarekin lotutakoak azken horiek, pandemiaren ondorien pisua ez dadin klase ertainean, langileengan eta pertsona kalteberengan erori.
Gainera, Carlos Guzmanek adierazi duenez, Zurekin Nafarroak abian jarriko du bere hauteskunde-programa osatzeko prozesua ere, eta, horretarako, gizarte zibileko hainbat kolektiborekin biltzeko asmoa dute, proposamenak jasotzeko.
Era berean, koalizioa aurkezteko saioekin jarraituko dute Nafarroako hainbat herritan. Bidenabar, Guzmanek proiektu politiko berri honetan parte hartu nahi duten guztiei eurekin bat egiteko deia egin die.
Zure interesekoa izan daiteke
Ekialde Hurbileko gerraren aurrean "biziak salbatzea" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta bilkura monografikoa uda aurretik egitea eskatu du.
Frankismoaren biktimei kalte-ordainak emango dizkiete; Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPren erabakiaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenei laguntzeko neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.