Urtaran: "Niretzat ohorea da alkate izatea, baina ulertzen dut alde batera egiteko unea ere iristea"
2023ko udal eta foru hauteskundeetarako hautagaiak aukeratzeko prozesu betean murgilduta dago EAJ, gainerako alderdiak bezala. Gaur, Araba Buru Batzarreko eta Gipuzkoa Buru Batzarreko zuzendaritzak bilduko dira gaia lantzeko, eta baliteke asteon ezagutaraztea Gasteizko Udalerako eta Araba eta Gipuzkoako aldundietarako hautagaien izen-abizenak.
ETBko "Egun On Euskadin" egindako elkarrizketan, Gorka Urtaran Gasteizko alkateak ez du argitu berriro hautagai izango den edo ez, eta "beti bezala, alderdiak erabakiko" duela esan du. Gasteizko alkate izatea "ohorea eta pribilegioa" dela esan ondotik, "alde batera egiteko unea" iristea ere "ulertzen" duela azaldu du. "Ni iritsi nintzen une batean non alderdiak erabaki zuen nire parte-hartzea udal politikan beharrezkoa zela, eta aurrerapauso hori eman nuen momentu latz batean. Bost zinegotzirekin hasi ginen gobernatzen, eta zailena pasatu dudala uste dut", zehaztu du.
Azaldu du, beretzat, EAJ "alderdi bat baino" baino gehiago dela, eta "alderdiaren esanetara" dagoela. "Ni ez nintzen Udalera iritsi bultzaka, eta ez naiz joango aulkiari helduta. Badakit eguna iritsiko dela, eta iristen denean, gauza onak hartuko ditut, eta saiatuko naiz txarrak ekiditen", amaitu du.
EAEko hiru hiriburuetatik Gasteizko Udalerako hautagaia da EAJk jakinarazteke duen bakarra. Eneko Goia eta Juan Maria Aburto izango dira, berriro, Donostiako eta Bilboko udaletarako hautagaiak, hurrenez hurren. Aldundiei dagokienez berriz, Arabako eta Gipuzkoako hautagaiak daude argitzeke. Bizkaiko Aldundirako Elixabete Etxanoberen hautagaitza iragarri zuten joan den hilean.
Zure interesekoa izan daiteke
Insaustik donostiarrei "gehiago eta hobeto entzuteko" konpromisoa hartu du
Astearte honetako Tokiko Gobernu Batzarraren osteko prentsaurrekoan, Jon Insaustik adierazi du bilera "berezia eta gogorra" izan dela. Donostiako alkateak eta Ane Oyarbide PSE-EEren Udaleko bozeramaile eta lehen alkateordeak Donostiako Gobernua "indartsu, indarberrituta eta jarrera berriarekin" dagoela defendatu dute.
Euskadik eta Iparraldeak lankidetza-akordioa sinatu dute igarobidean dauden migratzaileen inguruan
Akordio berria Gasteizko Ajuria Enea Jauregian sinatu dute Imanol Pradales lehendakariak eta Jean-Rene Etchegaray Euskal Hirigune Elkargoko presidenteak eta Baionako alkateak, eta "erronka politiko, ekonomiko, sozial eta ingurumenekoei elkarrekin aurre egiteko ikuspegi komuna eraikitzeko" borondatea dutela adierazi dute.
Garcia Ortizen prentsa burua: "Ayusok susmoaren harra elikatu zuen"
Mar Hedok lekuko gisa deklaratu du astearte honetan Alvaro Garcia Ortiz Estatuko fiskal nagusiaren aurkako epaiketan; Gonzalez Amadorren abokatuak bere bezeroaren izenean Ogasunari iruzur egitea onartu zuen mezu elektroniko bat filtratu eta sekretuak zabaltzearen delitua egin zuelakoan ari dira epaitzen Garcia Ortiz.
Azaroaren 23an izango dira Arabako kontzejuetako hauteskundeak
30.000 pertsona baino gehiago daude botoa ematera deituta lurraldeko 333 kontzejuetan, Administrazio Batzarrak berritzeko. Batzar horiek landa-bideak, mendiak, iturriak, baso-ondarea eta bestelako ondasun publikoak kudeatzen dituzte.
PSNrekin akordioa lortuz gero, Iruñeko udalaren aurrekontuak "inoiz izan diren kontu zabalenak" izango direla adierazi du Asironek
Joseba Asironek argi esan du PSNrekin akordioa lortu eta Iruñeko udalaren aurrekontuak onartu egingo direla. Inoiz izan diren kontu zabalenak izango direla adierazi du Euskadi Irratian Asironek.
Albiste izango dira: Mazonen dimisioaren biharamuna, Ayusoren bikotekidea epailearen aurrean eta Bizkaiko DYAko presidente ohiaren aurkako epaiketa
Gaurkoan Orain-en albiste izango direnen laburpena, bi hitzetan.
Ayusoren bikotekideak eta Miguel Angel Rodriguez haren kabineteko buruak Estatuko fiskal nagusiaren aurkako epaiketan deklaratuko dute gaur
Auzitegi Gorenak Alvaro Garcia Ortizen epaiketaren bigarren eguna egingo du gaur, sekretuak ezagutaraztea egotzita. Alberto Gonzalez Amadorrek eta Miguel Angel Rodriguezek egingo duten deklarazioak izango dira eguneko hitzordu nagusiak.
PPk Voxen esku utziko du Valentziako Gobernuaren etorkizuna, Mazonen dimisioaren ostean
Alberto Nuñez Feijoo eta Santiago Abascal PP eta Voxeko buruek, hurrenez hurren, telefonoz hitz egin dute astearte honetan. Genovako iturrien arabera, "tonu atsegin eta onean" aritu dira hizketan bi politikariak, baina, oraindik, mahai gainean izen-abizenik jarri gabe. Antza, bat etorri dira, iritzi baitiote lehentasuna "Valentziari egonkortasuna ematea" dela.
Bilbok 751 milioi euroko aurrekontua izango du 2026an, aurten baino % 4,5 gehiago
Juan Mari Aburto Bilboko alkateak udal aurrekontuen proiektua aurkeztu du, herritarren "beharrizanekin koherentea eta jasangarria" dela iritzita. Santutxuko ertzain-etxe berria, Deustuko suhiltzaile-parkea eta Emakumeen Etxea dira aurreikusten diren proiektu handienetako hiru. Gainera, Segurtasuna, Etxebizitza eta Zerbitzu Publikoak izango dira aurrekontuen ardatzak, Aburtoren hitzetan.
GOIDIaren biktimak kalera atera dira justizia eskatzeko, dimisioaz haratago
GOIDIaren biktimak kalera atera dira berriro ere, dimisioaz haratagoko justizia eskatzeko. Euren ustez, berandu eta gaizki heldu da Carlos Mazonen dimisioa. Gainera, gaitzetsi egin dute presidentearen hitzaldiaren muina kalte materialak izan izana, bai eta bere burua kriminalizazioaren biktimatzat jo izana.