EAJk irabaziko lituzke Gipuzkoako Foru Aldundirako hauteskundeak, EH Bilduk hurbiletik jarraituta
EAJk irabaziko lituzke Gipuzkoako foru hauteskundeak, botoen % 36,2rekin, hau da, 2019ko hauteskundeetan baino 0,3 puntu gehiagorekin. EH Bilduk, bere aldetik, 2,1 puntu egingo luke gora, botoen % 34 eskuratuta, bi alderdi abertzaleen arteko aldea murriztuta.
PSE-EE hirugarren postuan geratuko litzateke, botoen % 15,9 lortuta, azken hauteskundeetan baino 1,4 puntu gutxiago, eta Elkarrekin Podemosek ere behera egingo luke, 1,7 puntu gutxiagorekin, % 7,3an geratuta. Azkenik, PPk botoen % 4,6 lortuko lituzke (-% 0,2) eta Voxek, botoen % 1,1.
Botoak eserlekuetara eramanda, EAJk berdin jarraituko luke edo ordezkari bat edo bi irabaziko lituzke (20-22); EH Bilduk bi batzarkide irabaziko lituzke (19); PSE-EEk ordezkari bat edo bi galduko lituzke (7-8); eta Elkarrekin Podemosek beste bat edo bi galduko lituzke (2-3). Azkenik, PPk egungo eserlekuari eutsiko lioke, eta Voxek ez luke ordezkaritzarik lortuko.
Datu horiek Eider Mendoza Foru Aldundiko bozeramaile eta Gobernantza diputatuak ostiral honetan aurkeztu duen apirileko soziometroan jaso dira. Gipuzkoan bizi diren 18 urtetik gorako 1.200 pertsona elkarrizketatu dituzte, eta landa-lana martxoaren 27a eta 31 bitartean egin zuten telefono bidezko elkarrizketaren bidez.
Ekonomia, kezka nagusia
Bestalde, inkestatutako pertsonen erantzunetatik ondorioztatzen da enplegua eta krisi ekonomikoa direla oraindik ere Gipuzkoako herritarren kezka nagusia, eta prezioen gorakadari buruzko kezkak bere horretan jarraitzen du.
Hala ere, biztanleriaren egoera ekonomikoak apur bat hobera egin du udazkeneko soziometroarekin alderatuta, eta etorkizunari begira ere aurreikuspen onak dituzte egoera pertsonalean: hilabete amaierara arazorik gabe iristen direnen kopuruak gora egin du, eta hilaren amaierara arazoekin iristen direla diotenen kopuruak behera.
Prezioen garestitzeari dagokionez, inkestatuen % 46,2k diote bizi-mailak berdin jarraitzen duela, eta % 71,5ek uste dute prezioen gorakadak jarraipena izango duela datozen hilabeteetan. Ildo horretan, 45,8k uste dute 2008koa bezalako finantza-krisi baten aurrean egon gaitezkeela.
Gipuzkoan dauden arazo nagusien artean, enpleguaren ondoren berehalako erantzuna behar dutenak dira Osakidetzako hobekuntzak, etxebizitza, krisi ekonomikoa eta prezioen igoera.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.