EH Bilduk eta EAJk dute boto fideltasunik handiena
EH Bildu da datorren maiatzaren 28ko udal- eta foru-hauteskundeei begira leialtasun tasa altuenak dituen alderdia, bai Euskal Autonomia Erkidegoan, bai Nafarroan, EITB Focusen boto-asmoari buruzko makroinkestaren azterketaren arabera. EAJk gertutik jarraitzen dio, baina lurralde batzuetan behera egin du.
Koalizio abertzaleak % 85etik gorako fideltasuna du EAEn eta % 80tik gorakoa Nafarroan. EAJk hurbiletik jarraitzen dio, nahiz eta lurralde batzuetan behera egin duen EITB Focusek martxoan jasotako datuekin alderatuta.
PSE-EEk bere boto-emaileen fideltasuna areagotu du EAEko hiriburuetan, baina ez du hautesle berririk erakartzea lortu. PPk ere hobera egin du zenbait tokitan, eta Elkarrekin Podemos da fideltasun indize baxuenak dituen alderdia, nahiz eta zenbait puntutan gora egin duen.
Nafarroan, UPNk gora egin du fideltasun tasetan Parlamenturako hauteskundeei begira, baina behera egin du boto fideltasunean Iruñean, babesa galdu baitu. Aitzitik, PPk Parlamenturako duen fideltasuna murriztuta ikusi du, baina Iruñean gora egin du.
Bestalde, PSNk, Contigo Navarrak eta Geroa Baik egonkor jarraitzen dute, baina azken horrek 4 puntu galdu ditu Nafarroan eta 9 irabazi Iruñean.
EAJren hautagaiak, aurpegi ezagunenak
EAJren hautagai guztiek lortu dute ezagutza eta balorazioa handitzea EITB Focusek martxotik jasotako datuetatik maiatzera, eta horrek adierazten du posizionamendu-lan ona egin dutela hauteskundeetarako kanpainaurrean.
Gipuzkoan, Eider Mendoza jeltzaleak ere ezagutza handitzea lortu du, EH Bilduko Maddalen Iriarte mantendu den bitartean; hala ere, horrek ezagutza tasa altuagoa du eta ahaldungairik baloratuena da.
Hiriburuetan, hautagairik ezagunena eta baloraziorik onena lortu duena EAJko Juan Mari Aburto da, 6 puntutik gorakoa. Gasteizen, hautagaitza guztiek lortu dute ezagutzan handitzea, Garbiñe Ruiz Elkarrekin Podemosekoak izan ezik, maila berean mantendu egin baita.
PPren hautagaitzak dira Euskadiko lurralde guztietan balorazio txarrena jaso dutenak.
Nafarroan, Gobernuko blokeko hautagaitza guztiek (EH Bildu barne) dituzte hautesleen batez besteko baloraziorik onenak (10etik 5 inguru), eta Asiron da guztien artean baloraziorik onena jaso duena, Uxue Barkos eta Koldo Martinezen aurretik.
Nafarroako Parlamentua
Iruñeako Udala
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.358 galdekatu dituzte.
Inkestak apirilaren 26a eta maiatzaren 12a bitartean egin zituzten EAEn, eta maiatzaren 3a eta 11 bitartean Nafarroan.
Zure interesekoa izan daiteke
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".