1.708.980 pertsona daude bozkatzera deituta EAEn, datorren igandeko udal hauteskundeetan
Guztira, 1.708.980 boto-emaile —duela lau urteko bozetan baino 8.400 lagun gutxiago— daude Euskal Autonomia Erkidegoko hautetsontzietara deituta datorren igandeko hauteskundeetan. 2.661 zinegotzi eta 153 prokuradore aukeratuko dituzte horietan.
Espainiako Gobernuak EAEn duen ordezkari Denis Itxasok maiatzaren 28ko bozei begira egindako antolaketaren berri eman du gaur, asteartearekin. Foru hauteskundeen kasuan, aldundiei dagokie horiei buruzko datuak ezagutaraztea.
EAEn erroldatutakoek ez ezik, Europar Batasuneko beste herrialde batzuetan jatorria duten 6.534 pertsona daude hautetsontzietara deituta —orain dela lau urteko hauteskundeetan baino 202 gutxiago—.
Orotara, 718 hautesleku irekiko dituzte (340 Bizkaian, 277 Gipuzkoan eta 101 Araban). Horietan 2.694 mahai ezarriko dituzte (1.409 Bizkaian, 858 Gipuzkoan eta 427 Araban), eta 5.388 hautetsontzi egongo dira denera. Bestalde, 8.082 mahaiburu izendatu dituzte, eta 10.528 ordezko.
1.708.980 boto-emaileetatik 900.393 bizkaitarrak dira, 556.210 gipuzkoarrak eta 252.377 arabarrak. Hurrenez hurren, 1.244, 986 eta 431 zinegotzi aukeratuko dituzte Bizkaian, Gipuzkoan eta Araban —112 lehenengoan, 88 bigarrenean eta 51 hirugarrenean—.
Bestalde, 62.142 lagunek —2019ko bozetan baino % 4,7 gutxiagok— posta bidezko botoa eskatu dute.
Itxasoren esanetan, "segurtasuna eta boto eskubidea bermatze aldera", 1.544 agente arituko dira lanean egun horretan.
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.