Kontsumobideren gomendioak, hauteskundeengatik bidaia bat bertan behera utzi behar dutenentzat
Uztailaren 23ko hauteskunde orokorren deialdiak sortutako egoera ikusita, Kontsumobide Kontsumoko Euskal Erakundeak gomendatu du arreta berezia jartzea bidaiak, hegaldiak edo opor-paketeak bertan behera uzteko baldintzei, kontratatzen diren bitartean.
Gerta daiteke kontsumitzaileek oporrak bertan behera uzteko edo aldatzeko betebeharra izatea, hauteskunde-mahai batean parte hartu behar badute.
Nahi ez diren egoerak prebenitzeko, gomendagarriena da arreta berezia jartzea ezerezte- edo aldaketa-baldintzei, zalantzak argitzea eta edozein kontratu sinatu aurretik idatziz ezerezteko baldintza hipotetikoak eskatzea.
Pertsonak bidaia ezeztatzeko edo aldatzeko aseguru bat kontratatzea erabakitzen badu, aldez aurretik ziurtatu behar du hizpide dugun behin-behinekotasuna (hauteskunde-mahai bateko kide izendatzea) poliza horrek estaltzen duela.
Bidaia bertan behera utzi edo aldatu behar izanez gero, eta kontratua egin zaion enpresarekin akordiorik lortzen ez bada, lehenengo urratsa kontratua egin zaion enpresari berari erreklamazio bat aurkeztea izango da. Enpresa horrek hilabetetik beherako epean erantzun beharko du.
Erantzun egokirik lortu ezean, hainbat erakundetara jo beharko dugu kontratatutako zerbitzuaren arabera: hegaldi baten kasuan, AESAra (Aire Segurtasuneko Estatu Agentzia); opor-paketeen edo bidaia konbinatuen kasuan, dagokion erkidegoko turismo-zuzendaritzara; eta hotel-egonaldien kasuan, Kontsumobidera edo kontsumitzaileei informazioa emateko udal-bulego batera (KIUB).
Zure interesekoa izan daiteke
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.