Martinez: "Sanchez presidente eta Diaz presidenteorde izateko aukera handia da"
Espainiak datozen lau urteotan gobernu aurrerakoia izango duela ez du zalantzarik Lander Martinez Sumar Mugimenduko diputatu hautatuak. PSOEk eta Sumar Mugimenduak koalizio-gobernua berretsiko dutela uste du, eta Pedro Sanchez presidente karguan eta Yolanda Diaz Presidenteordetzan ikusten ditu. "Badakit, iturri onetatik, lan handia egingo dutela akordioa lortzeko bi alderdien artean, eta baita ere inbestidurarako behar diren babesak lortzeko. Borondatea badago", adierazi du.
Euskadi Irratian egin dioten elkarrizketan, bestalde, Unidas Podemoseko bost diputatuek Kongresuan talde parlamentario propioa izateko aukeraz ere hitz egin du. Martinezek garrantzia kendu dio gaiari, esanez ganberako erregelamenduak ez duela hori ahalbidetzen, hautagaitza bakarrak ezin duelako izan talde bat baino gehiago. Hori dela eta, talde moreak atzo gaia mahai gainera atera zuenean "koalizio barruko taldeen autonomia" nabarmendu nahiko zuela iritzi dio. "15 taldek osatzen dugu Sumar, eta horietatik 8k dugu ordezkaritza Kongresuan. Kongresuan funtzionamendu unitarioa izan arren, oreka bilatu behar da koalizioaren eta azpitaldeen artean", adierazi du.
Alderdi abertzaleen botoak erabakigarriak izango dira Sanchezen inbestiduran, eta, besteak beste, kataluniarrek erreferenduma jarri dute baldintza gisa. "Logikaren barruan" kokatu du eskari hori Sumar Mugimenduko diputatu hautatuak, "alderdi bakoitzak negoziazioetan mahai gainean jartzen dituen eskakizun historikoen markoan". Nolanahi ere, "erreferendumarena maximozko eskaria" dela garbi du eta "eztabaida prozesu batean irtenbideak" bilatu behar direla esan du. Gogora ekarri du, halaber, PSOEren marra gorria Konstituzioa dela. "Guk argi daukagu lurraldetasunaren inguruan aurrerapausoak emateko Konstituzioa moldatu egin behar dela. Estatu konfederal baten alde egin dugu guk beti", azaldu du.
Euskal alderdiekin bitartekari lana egiteko prest agertu da, baina erabaki hori koalizioaren esku dagoela erantsi du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.