Bilbao (EAJ), euskararen ofizialtasunaz: "Gaelikoak bi urtean lortu zuen; oztoporik ez egotea espero dut"
Izaskun Bilbao EAJko europarlamentariak ostiral honetan adierazi duenez, Espainiako Gobernuak eta Kataluniako alderdiek Estatuko hizkuntza koofizialak (euskara, katalana eta galegoa) Europar Batasunean ofizialak izateko lortu duten akordioa "pozteko moduko albistea da, berandu badator ere".
Radio Euskadiko "Boulevard" saioan azaldu duenez, EBko Oinarrizko Eskubideen Gutunak "debekatu egiten du hizkuntza, arraza edo nortasun nazionalagatik diskriminazioa egotea". "Eta hori da orain arte euskararekin, katalanarekin eta galizierarekin gertatu dena", salatu du.
Hori dela eta, Espainiako Estatuko hizkuntza koofizial guztiak Europan aitortzea "diskriminaziorik ezaren eta Oinarrizko Eskubideen Gutunaren errespetuaren printzipioa aitortzea" izango litzatekeela esan du.
"Europar Batasunaren leloa 'aniztasunean elkartuta' da. Estatuek euren aniztasuna aitortu eta integratu beharra daukate", nabarmendu du.
Euskarak estatu kide guztien oniritzia jasotzeko zailtasunaz galdetuta, europarlamentari jeltzaleak honakoa esan du: "Gaelikoak bi urtean Europako Kontseiluaren onarpena lortu bazuen Europako erakundeetan irauteko, espero dut guk ere etorkizun bera izatea eta oztopo handirik ez egotea".
Europarlamentariak gogorarazi duenez, 2013an txosten bat onartu zuten, Europar Batasun osoan hizkuntza gutxituentzat izaera ofizialeko legeria loteslea egotea eskatzen zuena. Hamar urte geroago, beste txosten batek sinbolikoki ondorioztatu du erakunde guztiak ados daudela hizkuntza ofizialak direla eta onartu egin behar direla, baina ikuspegi praktikotik "ez dute aplikatu".
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.