Eusko Jaurlaritzak gaur ekingo dio urte politiko berriari Donostiako Miramar Jauregian
Udako oporren ostean, Eusko Jaurlaritzak urte politiko berriari ekingo dio gaur, ohi bezala, Donostiako Miramar Jauregian egingo duen Gobernu Kontseiluaren bilerarekin.
Lan-urte berria legealdiko azkena izango da, Iñigo Urkullu lehendakariak Eusko Legebiltzarrerako hauteskundeak noiz deituko zain.
Zerbitzu publikoen "kalitatea sendotzea", enplegua sustatzea eta autogobernua edota estatu eredua izango dira datozen hilabeteetarako erronkak, Lehendakaritzako iturrien arabera. Edozein kasutan, irailaren 14an Eusko Legebiltzarrean egingo den politika orokorreko osoko bilkuran zehaztuko ditu bere proposamenak.
Eusko Legebiltzarrari dagokionez, irailaren 14an hasiko da urte politikoa, eta ikusteko dago zer gertatuko den mahai gainean dauden hainbat legerekin. Hezkuntza Legea, trantsizio energetikoari eta klima-aldaketari buruzko legea, Euskal Enplegu Sistemaren Legea eta Memoria Historiko eta Demokratikoaren Legea daude horien artean. EAJk eta PSE-EEk osatutako koalizio gobernuak gehiengo osoa du Legebiltzarrean, baina hauteskundeak gertu izateak lege horiek onartzea baldintzatu dezake.
Gobernu Kontseilua Miramar Jauregian
Aurreikuspenen arabera, 10:00etan iritsiko dira Eusko Jaurlaritzako sailburuak eta Gipuzkoako lurralde agintariak Miramar Jauregira. 15 minutu geroago helduko da Iñigo Urkullu lehendakaria, eta kanpoaldean harrera egingo diote Eneko Goia Donostiako alkateak, Eider Mendoza Gipuzkoako ahaldun nagusiak eta Xabier Ezeizabarrena Gipuzkoako Batzar Nagusietako presidenteak.
Segidan, familia argazkia egingo dute, eta 10:30ean hasiera emango diote bilerari.
Amaieran, lehendakariak prentsaurrekoa eskainiko du, landutako gaien berri emateko eta lan-urte berrirako helburuak zehazteko.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.