Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Gaur hasiko da Auzitegi Nazionalean Kitchen auzia izenarekin ezaguna den espioitza operazioari lotutako epaiketa. 2013an, Mariano Rajoy Espainiako presidente zela, Barne Ministerioko buruzagitzak PPko diruzain Luis Barcenasen aurka antolatutako espioitza afera epaituko dute, hain zuzen ere.
Izan ere, Gurtel auziari lotuta, alderdiaren eta PPko buruzagien inguruan Barcenasek izan zitekeen isilpeko informazioa lapurtzeko asmoz abiatu zuten aipatu operazioa.
Gertakari horiengatik, 15 urteko kartzela zigorra eta 33 urteko gaitasungabetzea eskatu zuen Barne ministro ohi Jorge Fernandez Diazen aurka —10 auzipetuetako bat—, estalketa delitua, dirua bidegabe erabiltzea eta intimitatea urratzea egotzita.
Akusazio idatzian, Fiskaltzak ustezko operazio horren zirriborroa egin du, eta 2013. urteko lehen seihilekoan kokatu du operazioa. "Barne Ministerioaren goi kargudunen artean—Jorge Fernandez Diaz, Francisco Martinez eta Eugenio buru—sortu zen legez kontrako inteligentzia operazio bat martxan jartzeko ideia", azaldu dute.
"Operazio horren helburua zen garai hartan Auzitegi Nazionala ikertzen ari zen Gurtel auziaren harira PPren irudia eta bere buruzagiak kaltetu zitzaketen informazioak eta froga materialak eskuratzea", erantsi dute.
Zehazki, Barcenasek zituen artxiboak ostu nahi zituzten, PPko diruzain ohia auzi horretan nahastuta baitzegoen.
Bestalde, 19 urteko espetxe zigorra eskatu zuen Fiskaltzak Jose Manuel Villarejo polizia ohiarentzat, eta 12 urte eta 5 hilabetekoa Sergio Javier Riosentzat (Barcenasen txoferra).
Martin Blasen kasuan —Poliziaren Barne Gaietako buruzagi zena— Ministerio Publikoak bi urte eta erdiko kartzela zigorra eskatu zuen.
Auzipetuen artean daude, halaber, Jose Angel Fuentes Gago eta Bonifacio Diez polizia inspektoreak, eta baita Jose Luis Oliveira komisarioa ere. Fiskaltzak, baina, hiru lagun horien auziak artxibatzea eskatu zuen, froga nahikorik ez zuela ikusita.
Epaiketan, herri akusazio gisa daude deituta PSOE eta Podemos, eta akusazio partikular gisa Barcenas, haren emazte Rosalia Iglesias eta beren seme Guillermo. Apirilaren 20an deklaratuko dute, hain justu, senar-emazteak.
Zure interesekoa izan daiteke
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.