Iturgaiz: "Une garrantzitsua da nire bizitzan, erreleboa emateko ordua iritsi zaidalako"
Euskadiko PPren presidente Carlos Iturgaizek Euskadi Irratiko "Faktoria" saioko mikrofonoei esan die zalantzarik gabe une garrantzitsua bizitzen ari dela, erreleboa emateko ordua iritsi zaiolako.
Lekukoa hartuko dion Javier de Andresen ibilbide oparoaz harro, ziurtatu du presidente ona izango dela. Elkarrizketan aurreratu du, halaber, martxora arte (bere ustez, orduan egingo dituzte Euskal Autonomia Erkidegoko hauteskundeak) ez duela Legebiltzarra utziko. "Nik eskatu nuen legegintzaldia amaitu arte jarraitzea, baietz esan zidaten, eta, beraz, ordura arte presidentea izango naiz", adierazi du.
Bere etorkizunaz ezer argitu gabe, kezkatuta ez dagoela esatera mugatu da. "Lasai nago. Feijook eta Euskadiko PPk nahi dutena egingo dut", esan du.
Orain arte egindakoak ere hartu ditu hizpide. "Pentsatzen dut gauza onak egin ditudala. Une honetan, PP elkartuago dago duela lau urte baino, orduan ia-ia apurtuta baitzegoen. Nik banekien alderdia josi edo batu behar nuela, baina politika egitea ere garrantzitsua da, eta horretan gabiltza. Inportantea da alderdia nabarmentzea ere, eta akordioetara iristea", nabarmendu du.
Azkenaldian gaurkotasuna ardaztu duten gaiei helduta, Iturgaizek argi du "sanchismoaren aliatuak" elkar ulertzera behartuta daudela, urtarrilean berriro hauteskundeak ez egitea eragotzi nahi badute. "Zoritxarrez, uste dut akordio batera iritsiko direla. Nire apustua da urtarrilean ez direla bozkak errepikatuko", azpimarratu du.
EAJren kudeaketaz ere hitz egin du. "Inoizko erradikalen daude. Atzerako ispilutik etengabe ari dira begiratzen EH Bildu zer ari den egiten. Denok dakigu EAJ fotokopia txarra izango dela, baina jakin nahi dugu nora heldu nahi duen ildo horretatik. Amildegi batean bukatuko du", erantsi du.
Lurralde eztabaidaren inguruan, nabarmendu du "gaizkile bati amnistia ematea" ez dela irtenbidea, ezta "Konstituzioaren aurka doan erreferendum bat deitzea ere".
Amaitzeko, Gazako Zerrendan gertatzen ari denaz jardun du. "Ez da Palestinaren kontrako edo aldeko gerra bat, Hamasen aurkakoa da. Esan gabe doa hilketa batzuk jokoz kanpo daudela, ni neu behintzat beti agertuko naiz indarkeriaren kontra, baina Israelek ez du mendeku gisa egiten, defentsa bezala baizik", iritzi dio.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.