Elkarrizketa Mahaiaren bilera deitzea eta eleaniztasuna bermatzeko legea adostu dute Sanchezek eta Aragonesek
Pedro Sanchez Espainiako Gobernuko presidenteak eta Pere Aragones Kataluniako presidenteak bost akordio lortu dituzte gaur, Bartzelonan egin duten bileran.
Besteak beste, bi gobernuen arteko Elkarrizketa Mahaiaren beste bilera bat deitzea, eta administrazio publikoetan eleaniztasuna bermatzeko lege bat adostu dituzte.
Bilerak ordubete eta hamabost minutu iraun ditu, eta "adeitasunezko" giroan garatu da, Aragonesek azaldu duenez.
Hitzorduan, bi gobernuen arteko Elkarrizketa Mahaiaren laugarren bilera deitzea adostu dute gaur. Gaineratu dutenez, bilera datorren urteko lehen hiruhilekoan egingo dute.
Horrez gain, eleaniztasuna bermatzeko Lege Organiko bat onartzea erabaki dute, "herritarrek Estatuko Administrazioarekin hizkuntza koofizialetan hitz egiteko duten eskubidea" bermatzeko.
Bestalde, urtarriletik aurrera Rodaliesen transferentzian aurrera egiteko egutegia garatzea adostu dute. Hemendik aurrera, akordioa "gauzatu" behar duen "lan-fase" bat hasiko da, adierazi du Sanchezek, baina onartu du eskualdaketa "konplexua" dela eta hori zehazteak "lankidetza handia" eskatuko duela.
Laugarren akordioa Bizitzeko Gutxieneko Diru-sarreraren kudeaketa Kataluniako Exekutiboari eskualdatzea da: Ministroen Kontseiluak abenduaren 27an onartuko du. Azkenik, Sanchezek eta Aragonesek Innofab txipen aurreprodukziorako zentro teknologikoa bultzatzea ere adostu dute.
Zure interesekoa izan daiteke
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Sanchezek Estatutuarekin duen borondatea "itxaropentsua" dela uste du Prdalesek, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean ", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.