Zerrenda bozkatuenak gidatu beharko luke Eusko Jaurlaritza, Otxandianoren arabera
Pello Otxandiano EH Bilduko lehendakarigaiak uste du Eusko Legebiltzarrerako hauteskundeetan zerrenda bozkatuena denak gidatu beharko lukeela hurrengo Eusko Jaurlaritza. Aldi berean, atea ireki dio EAJrekin gobernatzeko aukerari, Iruñeko Udalean edo Nafarroako Gobernuan gertatzen den bezala.
Radio Euskadiri eskainitako elkarrizketan azaldu duenez, EH Bildu bada lehen indarra Eusko Legebiltzarrerako hauteskundeetan koalizio subiranistak hartu beharko luke Eusko Jaurlaritzaren gidaritza, eta gauza bera EAJ baldin bada. Otxandianoren esanetan, hortik aurrera "era guztietako lankidetza gobernuak" edo "koalizio formulak" sortu daitezke, baita oposizioko talde bat gobernua kanpotik sostengatzea ere. Hortaz, aukerak anitzak direla uste du, beti ere, zerrenda bozkatuenak gidatzen badu.
Otxandianoren iritziz, "garai berri bat irekitzen ari da" eta Nafarroa eta Iruñea jarri ditu horren adibide. Ildo horretan, "eskuin erreakzionarioa" kanpoan uzten duen eta indar aurrerakoien artean "lankidetzarako espazioa" planteatzen duen ekuazio politikoa defendatu du.
Testuinguru horretan, Otxandianok uste du PSE-EEk zailtasunak dituela "garai berrietara egokitzeko". "Garai berri bat zabaltzen ari da, gidoia aldatu egin da eta egoera berrira egokitzeko gai izan behar dugu". Are gehiago, Otxandianoren ustez, Estatu mailan agenda plurinazionala kudeatzeko aukera zabaldu da eta horrek isla izan behar du euskal politikan ere.
Eusko Legebiltzarrerako hauteskundeei begira, Otxandianok esan du EH Bildu "irabaztera" aterako dela, "anbizioarekin" eta lehen indarra izateko "bokazioarekin", baina hori herritarrek esan beharko dutela. "Gobernatzeko bokazioa duen indar politiko bat gara, eta uste dugu kontua ez dela boterea lortzea boterea edukitzeagatik; kontua da gobernu erantzukizunak hartzea eraldaketa prozesuak bultzatzeko, eta uste dut bultzada bat behar dela herrialde hau merezi duen eszenatoki batean jartzeko", adierazi du.
ETAk hildako Manuel Zamarreño zinegotziaren hilketa argitzeko gaur Auzitegi Nazionalean egingo den epaiketaz galdetuta, Otxandianok erantzun du ETAk bere erantzukizun politiko guztiak bere gain hartu dituela, eta orain estatu terrorismoaren eta torturen ardura izan zutenek gauza bera egitea falta dela.
Azkenik, Urdaibaiko Guggenheim museoaren proiektuaren inguruan ere hitz egin du eta esan du harriduraz ari dela jarraitzen azken egunetako albisteak. Halaber, lehendakariak herenegun esan bezala, adierazi du ez dakiela zein den proiektua.
Albiste gehiago politika
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.