"Akordioaren kultura" goratu du Etxebarriak, herritarrek irtenbideak eta itunak nahi dituztela sinetsita
EH Bildurekin legealdi honetako udal aurrekontuak adostu ostean, Gasteizko alkate Maider Etxebarriak "akordioaren kultura" laudatu eta esan du herritarrek irtenbideak eta itunak eskatzen dituztela.
Etxebarriak agerraldia egin du koalizio abertzaleak aurrekontuak babestuko dituela jakin eta gutxira, EAJk eta PSE-EEk erdietsitako akordioaz jarduteko.
Gasteizko Udalean dauden 27 zinegotzietatik 12 dituzte sozialistek eta jeltzaleek, horregatik, oposizioko talderen baten babesa behar dute aurrekontuen onarpenerako. EH Bilduren aldeko botoak lortzeko, sei milioi euroko aurrekontua gehitu behar izan dute, koalizioak aurkeztutako hainbat zuzenketa onartuta, eta beste sei milioi eurokoa konpromiso kredituak adostuta.
Horren harira, alkateak gogora ekarri du bere inbestidura saioan adierazitakoa, alegia, akordioak lortzeko premia, "herritarren eskaerei men eginda".
"Albiste bikain hau testuinguru berezi batean iritsi da, eta horrek balio erantsia eman dio, beste erakunde batzuetan izan den akordio eza eta aurrekanpaina klima ez baitziren horretarako aurrekari onak", nabarmendu du.
Hain zuzen ere, azpimarratu du itunek "egonkortasuna eta konfiantza" dakartela, eta elkarrizketa behar bat dela, geldirik egotea aukera bat ez dela iritzita.
"Oso garrantzitsua zen aurrekontu bat onartzea, hori da herriak nahi duena, eta Gasteiz da lehentasuna", berretsi du.
Udalkideei buruz azaldu du ez dutela "lehentasunezko bazkiderik". Gauzak horrela, ez dio aterik itxi legealdian zehar PPrekin edota Elkarrekin Podemosekin ere itunak egiteari, aurrerago elkar ulertuko dutenaren uste osoa baitu.
Albiste gehiago politika
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.
Eusko Legebiltzarreko politika orokorreko osoko eztabaida, zuzenean
Jarraitu zuzenean, 09:30etik aurrera, Eusko Legebiltzarrak urte politikoari hasiera emateko osoko bilkura.