"Ezberdinen arteko elkarlana" eta EAEn ezkerreko gobernua osatzea defendatu du Gorrotxategik, Sumar sartuta
Eusko Legebiltzarrerako hauteskunde kanpaina ofizialki apirilaren 5ean hasiko bada ere, alderdiak apirilaren 21eko hitzordura begira ari dira lanean aspaldidanik. Miren Gorrotxategi Elkarrekin Podemoseko lehendakarigaiak ezkerreko gobernu baten aldeko apustua egiten du, EH Bildu, PSE-EE, Elkarrekin Podemos eta Sumar barne hartuta. Elkarrekin Podemos Aliantza Berdearekin koalizioan aurkeztuko da datozen hauteskundeetara.
Euskadi Irratiko "Faktoria" saioan egin dioten elkarrizketan Gorrotxategik nabarmendu duenez, EAEko gizartea ezkerrekoa da eta ezkerreko politikak eskatzen ditu eta hori gobernuan "islatu" egin behar da, "lehenengoz ezkerreko gobernu bat lortzeko". "Gure bozkak eta eskainuak (eserlekuak) horretara bideratuko ditugu, Euskadirako gobernu ezkertiar bat, lehenengoz, lortzeko", gaineratu du.
Sumarri lotuta, elkarlanerako deia egin du Gorrotxategik eta balizko ezkerreko gobernu horretan tokia izan beharko lukeela uste du. "Ezberdinen arteko elkarlana da politikak behar duena eta egin behar duena", azpimarratu du.
Bestalde, EH Bilduri eta PSE-EEri aurpegiratu die EAJrekin koalizio gobernu bat osatu nahi izatea. Gorrotxategiren esanetan, PSE-EEk gainditutzat ematen du EAJrekin duen koalizio gobernua, baina aldi berean beraiekin gobernatu nahi duela esaten du. EH Bilduri "beste horrenbeste" egitea leporatu dio, hots, ziklo politiko aldaketaz hitz egitea, baina aldi berean EAJ barne hartzen duen koalizio gobernu bat proposatzea.
lldo horretan, argi eta garbi utzi du EAJ ez dela ezkerreko alderdi bat eta, hortaz, Elkarrekin Podemosek ez duela EAJrekin gobernurik osatuko, ezta jeltzaleen gobernurik sostengatuko ere.
Zure interesekoa izan daiteke
Epai zain geratu da fiskal nagusiaren aurkako epaiketa
Azken saioan, Garcia Ortizen defentsak berretsi du Alberto Gonzalez Amador enpresaburua dela "benetako filtratzailea". Akusazioek, berriz, salatu dute fiskal nagusiak prentsa erabili zuela, herritarren artean iritzi bat sortzeko.
Juntsen abstentzioak Sanchezen Gobernuari arnasa eman dio, nuklearrei buruzko bozketan
Espainiako Gobernuarekiko haustura formalizatu eta hamar egunera, Carles Puigdemonten alderdiak PPren zuzenketa batek aurrera egitea eragotzi du. Txalo zaparrada batekin eratzun dute PSOEko diputatuek.
Zupiria: "Larunbatekoa nahi nuke izatea festa eguna, aldarrikapen eguna, elkartasun eguna, eta ez istilu eguna"
Ostegun goizean Bingen Zupiria Segurtasun sailburuak ohartarazi du larunbaterako komunikatu gabeko mobilizazio bat deituta dagoela, Euskal Herriko klubetako zaleek eta Palestinarekin Elkartasunak deitutakoari erreferentzia eginez. Hala ere, arratsaldean argitu dute mobilizazio hori komunikatuta eta baimenduta dagoela asteazken arratsaldetik.
CTBk atzera bota du garraioetako deskontuak otsailaren 20ra luzatzeko Aldundiak egindako proposamena
Proposamena Bizkaiko Garraio Kontseiluan landu da, baina atzera bota dute, Leixuri Arrizabalaga Aldundiko bozeramaileak ostegun honetan baieztatu duenez. Diputatuak zehaztu duenez, proposamenari bide ez emateak "oraingoz luzapena aplikatu ezin izatea" dakarren arren, foru erakundeak "ildo horretan akordio bat lortu ahal izateko lanean" jarraituko du.
Amnistiari buruzko azken hitza “aberria salbatu” nahi duten epaileek dutela ohartarazi du Puigdemontek
EBko abokatu nagusiak amnistia legearen gainean emandako iritzia dela eta balorazio ezberdinak egin dituzte aldeek. EBko abokatu nagusiak amnistia legeari babesa eman diola iritzi diote Junts, ERC eta Espainiako Gobernuak. PPren ustez, berriz, amnistia legeak zuzenbide estatuaren printzipioak "urratu" dituela ondorioztatu du Europar Batasuneko abokatu nagusiak.
Chiviteren hitzetan Gobernuan ez dago ustelkeria zantzurik: "Ez naute eroraraziko, ez dute lortuko"
Parlamentuan egindako osoko bilkuran, Chivitek esan duenez "edukiontziak gurutatzea bezain antisistema da instituzioak eta demokrazia ahultzen dituzten gezurrak zabaltzea". "Ez zaiteztela harritu ultraeskuinak gainetik pasatzen zaituztenean, zuek ari zarete haiei lan zikina egiten", esan die Gobernuan ustelkeria dagoela iradokitzen dutenei.
Ansola: "EAJ da alderdi bakarra, Voxekin izan ezik, alderdi guztiekin negoziatzeko ateak zabalik dituena"
Bizkai Buru Batzarreko presidenteak Euskadi Irratian egin duen elkarrizketa batean adierazi du, gainera, "gardentasuna" bultzatzen duela Segurtasun sailak atxilotuen jatorriak argitaratzeak. Gernikako Estatutuari dagokionez, azpimarratu du "traba politiko eta administratiboak" jartzen ari zaiela Espainiako Gobernua.
Mitxel Lakuntza: "Herri-ekimen legegile honen eztabaida ukatzea autogobernuari uko egitea da"
ELAren idazkari nagusiak ohartarazi duenez, ekimena tramitera ez onartzea "astakeria izango litzateke, iruzur demokratikoa", izan ere, "hori delako gizarteak legegintzan zuzenean parte hartzeko eskura duen mekanismo bakarra".
Eusko Legebiltzarrak atzera bota du Euskadirako gutxieneko soldata propioa ezartzeko legegintzarako herri-ekimena
Hainbat sindikatuk bultzatutako eta 138.000 sinadurak babestutako proposamenak kontrako 44 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso ditu, eta ez dute Legebiltzarrean eztabaidatuko.
Gutxieneko soldata propioaren eztabaida aurrera egiteko babesik gabe eztabaidatuko da gaur Legebiltzarrean
09:30etik aurrera, ELAk, LABek, ESKk, Steilasek, Hiruk eta Etxaldek Herri Ekimen Legegilea defendatuko dute (138.000 sinadura alde dituena) Eusko Legebiltzarrean, baina emaitza erabakita dagoela dirudi: EAJk eta PSE-EEk tramitazioaren aurka bozkatuko dute, Eusko Jaurlaritzaren irizpidearen ildotik.