Vaquerok ziurtatu du Podemosek ez duela "inolako arazorik" erabakitzeko eskubidea aitortzeko estatus berrian
"Ez dugu inolako arazorik, hasieratik esan izan dugu. Erabakitzeko eskubidea, autodeterminazioa, gure aldetik ez dago inolako arazorik zentzu horretan". Richar Vaquero Podemos Euskadiko koordinatzaile nagusi berriak esan ditu hitzok, autogobernuaz eta estatus berriaz galdetu diotenean, Radio Euskadiko 'Boulevard' saioan egin dioten elkarrizketan.
Esan duenez, bere alderdia "betidanik" egon da erabakitzeko eskubidearen alde, baina "banderak astindu gabe". Uste du erabakitzeko eskubideak balio behar duela herritarren ongizatea hobetzeko eta eskubideak blindatzeko. "Madrildik datorren oro, eskubidea dela ahaztu gabe, ongietorria izango da, baina ez dugu banderak astintzeko beharrik ikusten (...) Ez bakarrik gai honetan, maila kolektiboan hartu behar dugun edozein erabakitan gaude eskubide honen alde", erantsi du.
Podemosen eta EAJren arteko hika-miken inguruan ere aritu da Vaquero. Bi alderdien arteko hartu-emana aspalditik "oso tenkatuta" dagoela aitortu du, eta jeltzaleei egotzi die "herritarren interes orokorrak" defendatu beharrean, "energia konpainia handien interesen" alde egotea. Zentzu horretan, uste du energetiken gaineko zerga bereziari eutsi egin beharko lioketela, tasa hori EAEko ogasunek ez bildu arren.
Atzerritarrentzako lan baimenen transferentzia dela eta, Podemos Euskadiko buruak azpimarratu du eskualdatze horrek atzerritarren egoera "hobetzeko" balio beharko lukeela, baina hala izango den "zalantza" duela onartu du, Aitor Esteban EAJko diputatuaren adierazpenak entzun eta gero. "Mugak gehiago kontrolatu" behar direla esan zuen buruzagi jeltzaleak, eta Vaquerorentzat "kezkatzekoa" da PP eta Vox alderdien posiziotatik gertu ikustea EAJ.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.