Imanol Pradales lehendakariak bigarren bidaia egingo du Bruselara
Lehendakaria Bruselara joango da urtarrilaren 28an eta 29an, Euskadi kokatzeko eta maila goreneko harremanak sendotzeko, Europako erakundeetan zuzenean eragiten dioten gaien inguruan, hala nola industria eta trantsizio energetikoa bultzatzea, konexioak, euskararen defentsa, etxebizitza-politika publikoak eta makroeskualde atlantikoa, besteak beste.
Pradales lehendakariak Bruselara egingo duen bigarren bidaia izango da, azaroan egindakoaren ostean, eta Ursula von der Leyenek zuzentzen duen Europako Batzorde berriaren agintaldiaren hasierarekin bat dator. Imanol Pradalesek lehen bilera bat egingo du Euskadiren interesetarako Europako agendako arlo estrategikoenez arduratzen diren presidenteorde exekutibo eta komisarioekin.
Ildo horretan, Teresa Ribera Europako Batzordeko presidenteorde exekutiboarekin lehiari eta trantsizio energetikoari lotutako gaiak jorratzeko aurreikusitako bilera nabarmendu dute. Era berean, Imanol Pradales Alain Rousset Akitania Berriko presidentearekin eta Apostolos Tzitzikostas Europako Batzordeko Garraio komisarioarekin bilduko da, Euskal Y-aren eta Parisen arteko lotura elkarrekin aztertzeko.
Makroeskualde Atlantikorako ekimenari dagokionez, kohesioaren aldeko Europako eskualdeen arteko aliantzaren esparruan eta Emilia-Romagnako eta Akitania Berriko presidentearekin batera, lehendakariak bilerak egingo ditu Raffaele Fitto Europako Batzordeko kohesio-politikarako presidenteordearekin eta Piotr Serafin Europako aurrekontu-komisarioarekin, eskualdeen kohesio-politika defendatzeko EBko eskualde guztientzat.
Agendan, Martin Hojsik Europako Parlamentuko presidenteordearekin bilduko da, Parlamentuko osoko bilkuretan euskara erabiltzeari buruzko proposamenean aurrera egiten jarraitzeko.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.