Arratzua-Ubarrundiako EH Bilduko hiru zinegotziek dimisioa eman dute 'Vitoria Solar 1' proiektua dela eta
EH Bilduko Arratzua-Ubarrundiako hiru zinegotziek dimisioa eman dute udalerrian eraikiko den 'Vitoria Solar 1' parke fotovoltaikoa ezin izan dutelako "geldiarazi" eta horrek eragin dien "frustrazioagatik". Aurreikusita dago Eusko Jaurlaritzak eta Solariak sustatutako proiekturako 90.000 panel fotovoltaiko ezartzea, 73 hektareako eremu batean (16 gunetan banatuta).
Txetxu Zengotitabengoa, Laura Sancho eta Javier Ruiz de Arkautek herritarrei igorri dieten gutunean azaldu dutenez, "eskuak lotuta" dituzte udalez gaindiko erakundeek, errentagarritasuna soilik bilatzen duten enpresen eskutik, sustatzen dituzten proiektuen aurrean.
Hiru zinegotzi horien arabera, 'Vitoria Solar 1' proiektua geldiaratzeko lan egin dute eta bide horretan hainbat alegazio aurkeztu dituzte hainbat erakunderen aurrean. Horien iritziz, ordea, gaur-gaurkoz ezer gutxi egin daiteke Arratzua-Ubarrundiako Udalak 'Vitoria Solar 1' proiektua geldiarazteko, eta horregatik erabaki dute dimititzea.
Energia berriztagarrirako 15 proiektu
Solariaren proiektua ez da, ordea, udalerrian aurreikusita dagoen bakarra. Izan ere, dimisioa eman duten zinegotziek azpimarratu dute guztira energia berriztagarriak sustatzeko 15 proiektu daudela aurreikusita Arratzua-Ubarrundian. Gehitu dute, halaber, testuinguru horretan, ez dutela indarrik legealdia amaitzeko eta adierazi dute akta uzteko unea iritsi dela.
Zinegotzi horien esanetan, erakundeek elkarlanean aritu behar dute, beti ere, proiektuak "inposatu gabe" eta bizilagunen iritzia aintzat hartuta.
Txetxu Zengotitabengoa, Laura Sancho eta Javier Ruiz de Arkautek utzitako tokia EH Bilduren zerrendan aurkeztu ziren ondorengo hirurek hartuko dute: Andrea Hierrok, Jon Agirrek eta Belen Perezek.
Gaur egun, Arratzua-Ubarrundian agintean dagoen kontzentrazio-gobernuaren parte dira EH Bilduren hiru zinegotziak.
Proiektu Honi Ez! plataformak EH Bildu kritikatu du
Proiektu Honi Ez! plataformak EH Bildu kritikatu du, Arabako Foru Aldundiari 'Vitoria Solar 1' proiektua ez onartzeko eskatzen zion udal mozioaren bozketan parte hartu ez zuelako.
Ohar batean azaldu duenez, kolektiboaren ekimenez eta Goazen talde independentearen eta EH Bilduren babesarekin eraman zuten mozioa osoko bilkurara.
EH Bilduko hiru zinegotziak ez ziren, ordea, osoko bilkurara agertu eta plataformak uste du koalizioaren zuzendaritza politikoak bere irizpidea inposatu nahi izan zuela zinegotzien iritziaren eta konpromisoaren gainetik. Izan ere, udalbatza baino lehen egin zen batzordean alde bozkatu zuten.
Egoera "kafkianoa" dela salatu du plataformak, eta uste du EH Bilduren zuzendaritzaren eta Arratzua-Ubarrundiako zinegotzien arteko desadostasunak daudela dimisioaren atzean.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.